И.Н. Слепцов аатын сүгэр Кустуур орто оскуолатыгар балаҕан ыйын 26 күнүгэр Саха Өрөспүүбүлүкэтин Судаарыстыбаннаһын күнүн үрдүк таһымнаахтык бэлиэтээтибит. Нэдиэлэ устата араас тэрээһиннэр ыытылыннылар.
Аһаҕас уруогу 9-11 кылаастарга история учуутала Ариан Николаевич Иванов ыыппыта. Ону бары кылаастарга кылаас чаастара, стенгазета таһаарыы уонна бу күҥҥэ анаммыт үөрүүлээх линейка. Үөрүүлээх линейканы Виктория Ивановна Захарова иилээн саҕалаан ыытта. Россия, Саха Өрөспүүбүлүкэтин Өрөүөйүн ырыаларынан саҕаланна.
Оскуолабыт бэрэсидьиэнэ Владимир Попов оҕо хамсааһынын салайааччытыгар Виктория Ивановнаҕа «үөрэнээччилэр бары муһуннубут» диэн иһитиннэрдэ Ону таһынан «Дьиэрэй», «Тэтим» ансаамбыллар кыттыылаахтара сахалыы хомустаан, туойан, ыллаан тэрээһини өссө киэргэттилэр.
Бу үөрүүлээх күн 1 кылаастан 8-с кылааска диэри үөрэнэээччилэр Бастыҥнар хамсааһыннарыгар киирдилэр. Олус долгуйан туран ону туоһулуур хамсааһын туоһу суругун ыллылар. Маны таһынан дойдубут араас регионнарын бастыҥ ыччаттарын эҕэрдэлэрин видеонан көрдөрдүлэр, ол олус кэрэхсэбили тарта.
Святослав Слепцов, «Биракчаан» медиакиин юнкора,
Кустуур орто оскуолата, Эбээн-Бытантай улууһа.
keskil14.ru