Нууччалыы эйгэлээх куорат оҕолоругар сахалыы саҥаны сайыннарар “Саха КВН” оонньуулара түһүмэхтэринэн сыл устата ыытылла тураллар. Билигин полуфиналга тахсар иһин күрэхтэстилэр.
“Саха КВН” Лигатын бэрэссэдээтэлэ Геннадий Охлопков куорат хамаандаларын тэрийэргэ, сүрүннүүргэ, түмэргэ уонна бэлэмнииргэ анаан Николай Корякины аныаҕыттан ыла биллэ сайдыбыттар: хамаанда ахсаана да элбээбит, оонньуур таһымнара да үрдээбит.
Бастакы миэстэни Оҕо дыбарыаһын “Үрдэл” хамаандата ылла. Иккиһи – “ЯКШИ” (Мархаҕа баар кадеттар оскуолалара). “С.Г.О” (Саха гимназията) үһүстээтэ.
Наталья Попова (“С.Г.О.”) “Күн Күлүүк” ааты сүктэ. “Көрдөөх Көкөт” Никита Иванов (“Үрдэл”) буолла. Оҕо дыбарыаһын “Абытайдаах уолаттара” диэн хамаандата анал биһирэм бирииһнэн наҕараадаланна.
