«Чуораанчык» сурунаалы миэхэ аҕам суруттарбыта. Маҥнайгы кэлбит сурунаалы почта дьааһыгыттан бэйэм түһэн ылбытым. Онтон үөрэнэр оскуолабар Айыы кыһатыгар Билии күнүгэр «Чуораанчыгы» бэлэх туппуппут.
Учууталым дьиэтээҕи сорудахха сурунаалтан автобуһу уонна Дьокуускай острогун кырыйан, оҥорон уонна хаартыскаҕа түһэн ыытыҥ диэн эппитэ. Автобуһу оҥорорго судургу этэ. Оттон острогу ийэм, аҕам буолан көмөлөөн оҥорбуппут. Онтон Куорат күнүгэр оҥоһуктарбытын кытары дьиҥнээх автобус уонна Дьокуускай острогун кытары хаартыскаҕа түспүтүм.
«Чуораанчыгы» ааҕарбын сөбүлүүбүн, элбэх сорудахтаах сурунаалы интэриэһиргиибин.
Никита МЕСТНИКОВ, 1-б кылаас үөрэнээччитэ.