От ыйын 16 күнүгэр Билим дьоҕус академиятыгар ыытылла турар Саха сиринээҕи чинчийэр оскуола тылы үөрэтии бырайыагын кыттааччылара Өктөм нэһилиэгэр маҕаһыыннар, араас баннердар ааттарын көрдүлэр, хаартыскаҕа түһэрдилэр.
Чинчийээччилэр тьютордарын Валерия Борисованы кытары Өктөм киин уулуссатынан сырыттылар. Кинилэр хас биирдии маҕаһыын, тэрилтэ таһыгар тохтоон угуйук вывескаларын болҕомтолоохтук көрдүлэр, суруннулар, хаартыскаҕа түһэрдилэр. Уопсайа холбоон 10 ааты буллулар, олортон үксэ сахалыы суруллубуттар.
Бу сырыы сүрүн сыала угуйуктар тиэкистэрин көрөн, чинчийээччилэр туох үчүгэйин, туох куһаҕанын бэйэлэрэ сыаналаан, бэйэлэрин санааларын этэллэригэр үөрэтии буолар. Тьютор Валерия Борисова угуйуктар саҥа технологияларын туһунан билиини биэрдэ, оҕолор ырытар, толкуйдуур, анаарар билиилэрин тургутан көрдө.
Карина СИВЦЕВА,
Ф.Г. Охлопков аатынан Майа орто оскуолатын 8 кылааһын үөрэнээччитэ.
«Кэскил» оҕо пресс-киинин эдкора.
keskil14.ru