Саха норуотун улуу бөлүһүөгэ, суруйааччыта Алексей Елисеевич Кулаковскай-Өксөкүлээх Өлөксөй айымньылара биһиги култуурабыт сүрүн баайа буолаллар. Кини «Оттоку олук алгыһа» диэн айымньыта, аатыттан да көрдөххө, киһи олоҕун, дьылҕатын, инники кэскилин дириҥник ырытар, толкуйдатар ураты айымньы.
Бу айымньыга киһи киһиэхэ, киһи айылҕаҕа сыһыанын, кэлэр кэмҥэ норуот инники олугун хайдах хаамсыахтааҕын, туох аргыстаныахтааҕын туһунан толкуйдары хоһуйан көрдөрөр. Айымньы тыла-өһө олус баай, уус-уран, дириҥ ис хоһоонноох. Ааҕа олорон аҕабыт уоһун тылын курдук истэҕин, төрүт өбүгэбит кэриэһин курдук ылынаҕын.
Өксөкүлээх Өлөксөй саха киһитин дууһатын, өйүн-санаатын уонна туругун олус таба арыйбыта бу айымньыга эмиэ чаҕылхайдык көстөр. Кини тыла өйдөнүүгэ эрэ буолбакка, сүрэххэ диэри тиийэн, киһини уһугуннарар, кэлэр кэмҥэ эрэли үөскэтэр.
«Оттоку олук алгыһа» — кэлэр көлүөнэҕэ хаалларбыт ытык кэриэс, норуот бэйэтин суолун, кэскилин тобуларыгар сүбэ-ама буолар айымньы. Кини билигин даҕаны суолтатын сүтэрбэтэх, өрүү инникигэ ыҥыра турар, норуот духуобунай күүһүн уонна өйүн тилиннэрэр.
Александр Федоров,
Марха орто оскуолатын 11 кылааһын үөрэнээччитэ, «Уткин сонуннара» медиа-киин эдкора, Ньурба.
keskil14.ru