Биһиги Өксөкүлээх Өлөксөй “Оттоку олук алгыһа” диэн айымньытын учууталбыт сорудаҕынан кылаас таһынан бэйэбит оскуолабыт бибилэтиэкэтиттэн уларсан ааҕарга санаммыппыт. Саха биир улуу суруйааччытын олоҕун, айар үлэтин саха литэрэтиирэтин уруоктарыгар үөрэтэбит. Бу айымньытын ааҕан баран маннык санааҕа кэллибит.
Улуу убайбыт бу айымньытын саха эдэр ыччатыгар анаан-минээн суруйбут. Алгыс диэн саха киһитигэр ырааһы, сырдыгы ырыҥалыыр, инникигэ эрэли үөскэтэр ыра санаалаах тыллаах-өстөөх айымньы буолар. Ааптар мээнэҕэ алгыс тылын көрүҥүн талбатах буолуохтаах дии саныыбыт. Билигин күн- түүн балысханнык уларыйа турар кэммитигэр олус туһалаах сүбэлэри өссө сүүс сыл анараа өттүгэр анааран суруйбута киһини сөхтөрөр эрэ. Саха омук инники дьылҕата хайдах буолуой, инники биһигини туох күүтэр диэн санааттан суруйбут дии санаатыбыт. Улуу суруйааччыбыт «нуучча ньургунун кытта туруулаһар доҕор буол” диэн саха сиригэр араас омук баар, олордуун бары бииргэ иллээхтик олорорбутугар ыҥырбыт.
Ону таһынан, саха ыччатын үөрэхтээх , сайдыылаах буоларарыгар, атын омуктартан итэҕэс санаммакка, үрдүккэ тардыһыылаах дьон үүнэн тахсарбытын баҕарар. Төһө да үрдүк үөрэхтэннэрбит, үйэлэртэн тиийэн кэлбит үтүө үгэстэрбитин, дьарыктарбытын, сүөһү-сылгы иитиитин, бултаан-алтаан аһыырбытын умнуо суохтаахпытын, салҕыы сайыннарыахпытын тоһоҕолоон этэр. Саха норуотун эдэр ыччата барыга бары кыахтаах, күүстээх санаалаах, бэйэ-бэйэни өйөһөр, норуотун туһугар туруулаһар дьон буола тахсарбытыгар ыҥырар.
Катя БАКАЕВА, Алиада БАСНАЕВА, IX «Г» кылаас
17№-дээх оскуола, Дьокуускай
keskil14.ru