Алта саастаах Кристина Черемкина Сочи куоракка буолбут «Маленькая мисс Россия» күрэххэ ситиһиилээхтик кытынна. Улахан миэстэҕэ да тиксибэтэр, Кристина аан бастакытын маннык улахан тэрээһиҥҥэ кыттан үөрүүтэ муҥура суох. Кырачаан кыысчаан элбэҕи биллэ-көрдө, элбэх киһилиин алтыста, сыанаҕа тутта-хапта сылдьарга үөрэннэ.
Кристинаҕа күрэх аатыттан корона, лиэнтэ уонна диплом туттардылар.
Талааны көрдөрүү түһүмэҕэр Кристинаҕа ырыаһыт уолаттар @Kit_jah уонна @iamoskila күүс-көмө буолан өйөөтүлэр. Номнуо дьон сүрэҕин абылаабыт «Кындыкан» ырыаны айар түһүмэххэ толорон көрөөччүлэри үөртүлэр.
Кристина, маладьыас! Айар аартыктарыҥ арыллан истиннэр!