1972 сыллаахха Наталья Александровна Кривошапкина 7 кылааска үөрэнэ сырыттаҕына, оскуола директора Константин Спиридонович Чиряев уонтан тахса оҕону Москва куоракка күүлэйдэтэ илдьэ барарыгар, көрсүһүүлэр кэмнэригэр бэлэхтииргэ анаан Саха сирин туһунунан тахсыбыт значоктары илдьэ бараарыҥ диэбитин иһин значоктаах барбыттар. Онтон ыла значоктары мунньан барбыт. Н.А. Кривошапкина идэтинэн алын кылаас учуутала.
Ити кэминээҕи значоктары Ороһуттан төрүттээх худуоһунньук Иванов Владимир Давыдович эскиһинэн оҥороллор эбит.
2022 сылга сылга значок хомуйуутунан дьарыктаммыта лоп курдук 50 сыла буолбутунан, Үөһээ Бүлүүгэ ыытыллыбыт Олоҥхо ыһыаҕар быыстака туруоран дьон сэҥээриитин ылбыт. Кини 50 сыл устата араас тиэмэҕэ муспут значогун ахсаана 600-тэн тахсыбыт.
Наталья Александровна значоктары таһынан сүүтүк, гжель, ынах ойуулаах хампыат сууларын мунньар. Төрөппүттэрэ, чугас дьонноро тутта сылдьыбыт малларын сыа-сым курдук тутан, дьонун ыскааптарыгар ууран турара ураты көстүү.
— Значоктарым тиэмэлэрэ биир — Саха сирэ, онтон ол иhигэр араас тиэмэлээх диэххэ сөп: улуустар, совхозтар, промышленность, оскуолалар уо.д.а., — диэн кини этэр.
Наталья Александровна коллекциялара устуоруйаны ыччакка кэпсиир сүдү суолталаахтар эбит диэн санааҕа кэллибит.
Ванесса ВАСИЛЬЕВА, «Тымтык» эдкорпост, Ороһу, Үөһээ Бүлүү.