Мин суотатай телефоммун, собуокка оҥоһуллубутум. Ол собуокка мин курдук араас телефон элбэх этэ. Онтон биир күн миигин уонна доҕотторбун халыҥ салапааҥҥа суулаан коробкаларга уктулар. Биһиги анал массыынанан өр да өр айаннаабыппыт. Наһаа кыараҕас уонна хараҥа этэ. Кэмниэ — кэнэҕэс кэлиэхтээх сирбитигэр кэллибит, барыбытын хостоон, ороон баран олох атын көстүүлээх бэйэбэр сөрү сөп коробкаҕа уктулар. Дьэ уонна саамай көстөр сиргэ уурдулар. Маҕаһыыҥҥа элбэх киһи сылдьар, киирэр-тахсар. Мин долгуйа күүтүү, ким эрэ көрөрүн, таларын, ыларын. Дьэ, онтон миигин биир эдэр ийэ тохсунньу ыйга 2025 сыллаахха, олус көрөн — истэн баран ылла. Доҕотторбунаан быраһаайдаһан баран, эмиэ массыынанан айаннаатым. Онтон дьиэҕэ аҕалан баран, биир уолга бэлэхтээтэ, ол уол олус үөрдэ сонно тута миигин испин-таспын бэрибиэркэлээн, бэрээдэктээн барда. Араас наадыйар программаларын укпута. Билигин бииргэ сылдьыбыппыт номнуо ырааппыт курдук, бу кэмнэр усталарыгар араас хомолтолоох да үөрүүлээх да түбэлтэ элбэх. Ол курдук, биирдэ оскуолаҕа, иччим миигин, үрүксээгин аһаҕас тас сиэбигэр уган бистэ. Наһаа элбэх оҕо переменаҕа сүүрүү-көтүү, айдаан бөҕө этэ. Онно биир оҕо миэхэ охсуллан, мин үрүксээк сиэбиттэн кытаанах муостаҕа сууллан түстүм. Сирэйбин өлөрдүм онон манан сараапына буолла, онно улаханнык долгуйбатаҕым. Иччим онтон сылтаан миигиттэн тэйбэтэҕэ, өссө ордук чугастыы буолбуппут. Кини миигин арыый да кытаанах, мээнэ сууллан түспэт миэстэни булан, үрүксээгэр угар буолбута. Хаһаайыммын мин наһаа таптыыбын. Кини миэхэ араас ойуу киэргэл ылбыта да, олоро да суох миэхэ барыта үчүгэй курдук. Кинилиин өссө да уһуннук дьоллоохтук бииргэ сылдьыахпыт дии саныыбын.
Новгородов Сайдам, Дьокуускай куорат 17 № — дээх орто оскуола 5 «в» кылааһын үөрэнээччитэ.