Дьоруой диэн кимий? Дьоруой диэн хорсун, күүстээх санаалаах, дьоҥҥо туһалаах, ыарахаттары тулуйар, бэйэтин олоҕун да харыстаабакка атын дьон туһугар охсуһар, бэйэтин холобурунан атыттарга үтүө сабыдыалы оҥорор киһини ааттыыбыт. Анал байыаннай дьайыы кыттыылаахтара бука бары дьоруой буолаллар. Мин оскуолабыт биир чаҕылхай ыччаттарын, олохторун хорсуннук толук уурбут выпускниктарбыт туһунан сырдатан ааһыахпын баҕарабын.
Үгүһү эрэннэрэр эдэркээн уолбут Кеша Корякин оскуоланы баара-суоҕа 2020 сыллаахха бүтэрбитэ. Олус бэһиэлэй, актыбыыс, лидер, уөрэххэ, успуорка, уопсастыбаннай үлэҕэ бастыҥнара этэ. Кеша ситиһиилэрин киһи ааҕан сиппэт. Лиссиэй бэрэсидьиэнин сүбэтин састаабыгар ситиһиилээхтик үлэлээбитэ. Оскуола олоҕо интириэһинэй буоларыгар мэлдьи кыһаллара. Өрүү бэйэтэ толкуйдаан, ырытан, куонкурустарга кыттара, улахан көмөнү көрдөөбөт этэ. Эр киһи буоларын быһыытынан, кини – булааччы-талааччы, хорсун, күүстээх санаалааҕа.
Өссө биир маннык хорсун быһыылаах выпускникпыт Айаал Попов буолар. Кини 2010 сыллаахха оскуоланы бүтэрбитэ. Бииргэ үөрэммит доҕотторо кинини олус күндүтүк, чугастык саныыллар.
Айаал кыра эрдэҕиттэн сатабыллаах, дьээбэлээх-хооболоох, үөрэҕэр кыһамньылаах туйгун үөрэнээччи эбит. Кини сүдү-көнө майгылаах, кыһыҥҥы салгын курдук ыраас санаалаах этэ. Өскөтүн табаарыстарын, балтыларын, эдьиийдэрин, тулалыыр чугас дьонун ким эмэ атаҕастыыр түгэнигэр, улаханы улахан, кэтити кэтит диэбэккэ көмүскэһэр этэ. Айаал бастакы күнтэн бэйэтин лидер быһыытынан көрдөрөн, саҥа тэриллибит кылааска тутатына староста буолан эппиэтинэһи сүкпүтэ. Кылааска буолар тэрээһиннэри, түмсүүлэри, күрэхтэһиилэри кылааһын түмэн, куруук бэркэ ыытара. Айаал баара-суоҕа 30 эрэ саастаах этэ.
Майа гимназиятын биир маҥнайгы выпустарыттан хорсун геройбутунан Арчын (Евгений) Бурнашев буолар. Кини оскуоланы 1996 сыллаахха бүтэрбитэ. Идэтинэн инженер-тутааччы этэ. 2001-2003 сылларга Сахалин уобалаһыгар армия кэккэтигэр сулууспалаан, ытык иэһин чиэстээхтик толорон, сержант аатын ылбыта. Киһи быһыытынан Арчын олус үтүө, үлэһит, кырдьыксыт этэ. Дьонугар-сэргэтигэр өрүү көмөлөһөрө, үтүөҕэ-кэрэҕэ тардыһара.
И. Г. Тимофеев аатынан Майа лиссиэйигэр хорсун уолаттарбыт албан ааттарын үйэтитэр стенд оҥоһулунна. Ону таһынан, оскуолабыт музейыгар герй партата туруоруллубута.
Биһиги модун санаалаах, дойдуларыгар бэриниилээх уолаттарбы барыбытыгар үтүө холобур буолаллар. Кинилэр сырдык мөссүөннэрэ сүрэхпитигэр өрүү тыыннаах. Биһиги кинилэринэн киэн туттабыт, хаһан да умнубаппыт. Кинилэр хорсун быһыыларыгар сүгүрүйэбит! Дойдуларын туһугар олохторун толук уурбут дьоруойдарбыт ааттара үйэлэргэ ааттаныаҕа!
Сиһилии видео-матырыйаалга көрүҥ:
Лилиана Шестакова, XI кылаас,
И.Г. Тимофеев аатынан Майа лиссиэйэ.
keskil14.ru