Мин кинигэни кытта доҕордоһуум быйылгыттан саҕаламмыта. Ол курдук, куйаар ситимигэр Аиша диэн кыыс аахпыт кинигэлэрин туһунан олус интэриэһинэйдик кэпсиирин көрөммүн кинигэҕэ ааҕыахпын баҕарбытым.
Библиотекаҕа баран «Дневник Никки» диэн кинигэни уларсан, субуруччу 3 күнүнэн ааҕан бүтэрбитим. Салгыы кинигэ аптаах эйгэтигэр ылларан «Пес по имени Мани» дин кинигэни аахпытым. Айымньыга Кира диэн кыыс уулуссаттан бааһырбыт ыты аһынан дьиэтигэр аҕалар. Арай ыт киһи курдук саҥарар эбит. Ону таһынан харчыны сөпкө быһаарсар, суоттуур уһулуччу өйдөөх гений ыт эбит. Мани ыт уонна Кира доҕордоһоллор. Мани Кираны суоттуурга, харчыны мунньарга үөрэтэр. Кинигэ ис хоһооно олус сөбүлээбитим, аймымньы бүтүүтүгэр уйадыйан да ыллым.
Оскуолаҕа аахпыт кинигэбитинэн бырайыак көмүскүүргэ сорудах биэрбиттээр. Мин үөрэ-көтө Мани уонна Кира туһунан кэпсээн, туйгун сыананы ылбытым. Аахпыт айымньыбын бэйэм саастыылаахтарбар сүбэлиибин. Бу кинигэ оҕолору харчыны сөпкө туттарга, кыра эрдэхтэн үлэҕэ сыстарга үөрэтэр. Харчыны кыра кыралаан мунньан, баҕарбыт баҕа санааҕын ыларгар сыаллаах буолаҕын.
Киһи айымньныны ааҕан баран элбэҕи толокуйдуур, ырытар буолар эбит. Өссө да интэриэһинэй кинигэлэри ааҕар былааннаахпын.
Сайаана Дярикова,
VI кылаас,
Дүллүкү, Үөһээ Бүлүү