Тохсунньу 24 күнүгэр 2018 сыл бастакы аҥаарыгар хаһыакка суруттарбыт оҕолорго лотерея ыыттыбыт.
Быйыл туохтааҕар да элбэх киһи кытынна. Барыта – 882 квитанция киирбитэ. Сахабыт сирин араас муннуктарыттан суруттардылар, ыраах Дьааҥыттан тиийэ бааллар. Манна кылааһынан бары биир киһи, ол эбэтэр кылаас салайааччытыгар суруйтарбыт оҕолору, барыларын тус туһунан араартаабыппыт. Кыайыылаахтары таларга: “генератор случайных чисел” диэн бырагырааманы туһанныбыт. Ол онно хас биирдии кыттаччыга тус анал нүөмэрдэр иҥэриллибиттэрэ.
Бириистэрбит олус сыаналаахтар: планшет, диктофон, экшн камера уонна сүрүн бирииспит — ноутбук.
Лотерея түмүгүн быһа биэриигэ устубуттара, маны ЯСИА сайтыгар киирэн көрүөххүтүн сөп.
Дьэрэ, доҕоттоор кыайыылаахтарбыт ааттара билиннэ:
“Prestigio” диэн планшеты Надя Винокурова ылла. Кини бэйэтэ Өймөкөөн орто оскуолатын үөрэнээччитэ.
Экшн камера “SJCAM” – Амма улууһун Сулҕаччы бөһүөлэгэр Ирина Семеновна Слепцоваҕа барда. “Эрэл” юнкор пост салайааччыта.
Диктофон “Ritmix” – бириис хаһаайката Таня Кокорева, Кэбээйи орто оскуолатын X кылааһын үөрэнээччитэ.
Планшет “Prestigio” Люция Филипповна Скрябина Мэҥэ Хаҥалас улууһун Майа сэлиэнньэтэ ылла.
Протативнай колонка “MAX Q71” – ылла Кирилл Заборовский, Дьааҥы улууһун Боронук бөһүөлэгэ. “Сиккиэр” юнкор пост чилиэнэ.
Диктофон “Ritmix” – кыайыылааҕа Варвара Прокопьевна Тастыгина Мэҥэ Хаҥалас Майа.
Коврик, мышка уонна наушник бирииһи сүүйдэ Паша Пестрякова, Дьокуускай куорат Сахагимназиятын IV “А” кылааһын үөрэнээччитэ.
Лотереябыт сүрүн бирииһин ноутбук көмпүүтэр хааһаайына – Мария Архиповна Баишева, Мэҥэ Хаҥалас улууһун Майа сэлиэнньэтин.
Кыайыылахтарбытын эҕэрдэлиибит. Бириистэргитин Дьокуускай куорат Орджоникидзе уулуссатын 31 нүөмэрдээх дьиэтигэр 204 хостон кэлэн ыларга тиэтэйиҥ. Бэйэҕитин кытта паспорт, снилс, инн докумуоннаргытын илдьэ кэлэргитин умнумаҥ.
Иннокентий Владимиров.
В. Пак түһэриитэ.