Киин ититии ситимэ нэһилиэнньэ биир сүрүн кыһалҕатын быһаарар. Ону таһынан, Саха сирин бытарҕан тымныыта саҕаланан, хочуолунай үлэһиттэрэ үлэлэрэ күөстүү оргуйар. Чкалов нэһилиэгин “Хангаласский Газстрой” филиалын үлэтин туһунан нэһилиэкпит администрациятын ведущай специалиһын Инна Ивановнаны кытта кэпсэттибит. Кини биһиги ыйытыыларбытыгар хоруйдаата.
— Биһиги нэһилиэкпитигэр хас котельнай баарый? Ханнык объектары итиинэн хааччыйарый? Оттук сезона хайдах баран иһэрий, туох өрөмүөн үлэтэ ыытылынна?
— Нэһилиэкпитигэр 1 кательнай баар. Тэрилтэ аата “Хангаласский Газстрой” (филиал) диэн. Оскуола, оҕо саада, ФАП, кулууп, контора уонна хас да чааһынай дьиэ киин ититиигэ холбонон тураллар. Оттук сезонун иннинэ теплотрассаны, турбалары игин бэрэбиэркэлииллэр. Ититии холбонон турар объектарын эмиэ көрөллөр, кыра өрөмүөн ирдэнэр буоллаҕына тута оҥорон иһэллэр. Оттук сезонун хойутаппакка кэмигэр хочуолунай үлэтин саҕалыыр.
— Биһиги нэһилиэкпитигэр кыстыгы туоруурга төһө чох нааданый?
— Кыстыгы туоруурга быһа холоон 1,5 тыһ. тонна чох наада. Билигин былырыын кэлбит таас чоҕу отто сылдьабыт, онно эбии өссө аҕалыахтаахтар.
— Биһиги нэһилиэкпитигэр чох хантан, хайдах тиэллэн кэлэрий?
— Чох дуогабар быһыытынан Кангаласстан тиэллэн кэлэр. Биһиги хаайтарыылаах сиргэ олорор буоламмыт, өрүс туран, улахан массыыналар айаннара көҥүллэннэ да, кыра-кыралаан массыыналар таас чоҕу тиэйэн аҕалаллар. Онно эбии эһиилги оттук таас чоҕо эмиэ кэлэр.
— Кочегардар нэһилиэк тутаах дьонноро буолаллар. Кинилэр кимнээҕий?
— Биһиги хочуолунайбытыгар 4 үлэһиттээхпит. Федотов Николай Павлович, Толстяков Роман Степанович, Ксенофонтов Василий Александрович, Григорьев Алексей Иванович. Биһиги нэһилиэкпит тутаах үлэһиттэрэ буолаллар. Кинилэр үлэлэринэн көмөтүнэн оттук сезона этэҥҥэ баран иһэр.
Нэһилиэк тутаах тэрилтэлэрэ сылаас тураллара, бу хочуолунай үлэһиттэрэ күнүстэри-түүннэри үлэлэриттэн тахсар. Ол курдук, үөрэнэр оскуолабыт куруутун сылаас турара бу улахан үлэттэн тахсар эбит диэн биллибит.
6 кылаас үөрэнээччилэрэ Диана Рафаилова, Вика Соловьева,
Хаҥалас улууhун 3-Малдьаҕар оскуолата