2022 сыл Амма улууһугар Аҕа сылынан биллэриллибитэ. Онно улуус баһылыга улуус иһигэр аҕа түмсүүлэрин икки ардыгар күрэс биллэрбитэ. Нэһилиэк аҕаларын үлэтэ барыта сыаналанар.
Эмис нэһилиэгин аҕа түмсүүтүн мин аҕам Алексей Спиридонович Соловьев салайар. Нэһилиэкпитигэр аҕалар көхтөөхтөр. Холобура, «Чуумпу Бүлүү» испиктээкилгэ 40 эр киһи кыттыбыта. Онно мин аҕабын, ийэбин кытта бииргэ оонньообуппут.
Бу Аҕа түмсүүтүн күрэҕэр Эмис нэһилиэгэ иккис миэстэни ылла.
Аҕабын эҕэрдэлиибин уонна киниэхэ хоһооммун аныыбын:
Аҕам аата Алексей,
Кини олус бэһиэлэй,
Айылҕаны сөбүлүүр,
Леснигинэн үлэлиир.
Сайын Хаҥас Алааска
Илим үтэн балыктыыр,
Сааһын Эбэҕэ киирэн,
Дурдаҕа сытан кустуур.
Кыһынын тракторынан,
Муус-мас тиэйэн киллэрэр,
Ол да буолар миигинниин
Бириэмэ булан, куруук оонньуур.
Мин аҕабын олус күүскэ таптыыбын,
Кининэн киэн тутта кэпсиибин.
Аҕалаах буоламмыт,
Сиргэ тирэхтээх эбиппит,
Аҕалары харыстыахха,
Сүрэхпитинэн таптыахха!
Алеша Соловьев, 6 кылаас,
Эмис орто оскуолата.