Учуутал биhигини көрөр, харайар, олох үтүө суолугар үктэтэр. Хаhан баҕарар оҕо учууталга махтаныах тустаах. Ол курдук, Үөhээ Дьааҥы Боронук орто оскуолатыгар биhигини билии киэҥ аартыгар уһуйар, сирдиир элбэх тапталлаах учууталлардаахпыт. Ол эрээри мин саамай күндү, ураты учууталым туhунан бүгүн кэпсиэҕим.
Биhиги оскуолабытыгар кини география, предпринимательская деятельность диэн предметтары үөрэтэр учуутал — Светлана Васильевна Ноговицына. Кини биhиэхэ, 9-с кылаастарга, кылаас салайааччыта буолар, төһө эмэ соторутааҕыта биһиги кылааһы ылбытын иhин, кини син-биир биhигини 5 кылаастан уһуйан кэлбитэ. Кини үрдүк үөрэхтээх, айылҕаттан бэриллибит кэрэ дьүhүннээх, наhаа үтүө, сырдык, сымнаҕас майгылаах.
Кини атын учууталлартан сүрүн уратыта диэн — биhиги кинини төһө эмэ мэниктээн уордатарбыт да иhин, улаханнык кыыһырбат уонна наhаа тулуйар. Араас ыарахан ыйытыктарга сүбэ-ама буолар, бэйэбит ыарахан кэмҥэ түбэстэхпитинэ өрүү өйдүүр, өйүүр. Кини биhиэхэ киэҥ аартыгы арыйар саамай күндү, саамай тапталлаах учууталбыт буолар.
Кини өрүү биhиги кырачаан сүрэхпитигэр баар.
Ливия Другина, Боронук орто оскуолата.