Киһиэхэ кыра да болҕомто наада. Чугас киһиҥ ыраах сылдьара санаарҕатар да долгутар да. Бөһүөлэкпитигэр анал байыаннай дьайыы зонатыгар сылдьар уолаттар ийэлэригэр Розалия Егоровна Стручковаҕа уонна Мария Михайловна Слепцоваҕа оскуола оҕолоро, аҕалар көмө субботник оҥордулар .
Розалия Егоровнаҕа дьээдьэлэр дьиэтин эпсиэйдээтилэр. Онтон Мария Михайловнаҕа массыына маһы эрбэттилэр. 5-8, 10 кылаас оҕолоро мас хайытан саһааннаатыбыт, мас сыыһын хомуйдубут. Бүгүн бары биир киһи курдук түмсэн элбэх үлэни үлэлээтибит. Мария Михайловна оҕолорго махтанан минньигэһинэн күндүлээтэ.
Биир дойдулаах уолаттарбыт этэҥҥэ алаһа дьиэлэригэр төннөн кэлэллэригэр, кинилэр ийэлэригэр, кэргэттэригэр, оҕолоругар, чугас дьонноругар эйэлээх халлааны, доруобуйаны баҕарабыт.
Илларион Старостин,
Арыылаах орто оскуолатын 10 кылааһын үөрэнээччитэ.
Дьааҥы.