Чурапчыга ыытыллыбыт 25-с “Снежный барс” өрөспүүбүлүкэтээҕи байыаннай-спортивнай оонньууларга кылаабынай судьуйанан Арсен Владимирович Фёдоров үлэлээтэ.
Кини Дьокуускайдааҕы кадетскай оскуола-интэринээт офицер-иитээччитэ, байыаннай-прикладной физкультура учуутала.
Арсен Владимирович этэринэн, байыаннай-спортивнай оонньуулары сыаналыырга киһи аан бастаан чиэһинэй буолуохтаах.
– Мөккүөр тахсыбатын диэн эрдэттэн кыттааччылары ыҥыран инструктаж ыытабыт. Оонньууларга кыттар киһи бэйэтэ эмиэ тус эппиэтинэһи сүгэрин өйдөтөбүт. Онтон өскөтүн мөккүөр тахсар түгэнигэр икки өттүттэн олорон кэпсэтэбит, быһаарсабыт, – диэн Арсен Владимирович санаатын үллэһиннэ.
Алена КСЕНОФОНТОВА, VII кылаас,
С.Д. Флегонтов аатынан Хадаар орто оскуолата, Чурапчы