Киһи бэйэтэ толкуйдаан суруйбута кырдьыктаах

От ыйын 26 күнэ. Москваҕа кэлбиппит үһүс күнэ. Бу күн «Кэскил» медиа оскуола юнкордара Россия Суруналыыстарын сойууһугар сырыттыбыт. Россия Суруналыыстарын сойууһун сэкэрэтээрин, медиатренер, преподаватель Роман Серебрянайы кытта билистибит. https://t.me/SerebRoman_media/779 Кини манна 2001 сылтан үлэлиир. Суруналыыс идэтигэр үөрэнэр устудьуоннарга, биһиги курдук юнкор оҕолорго бэйэтин үлэтин уопутун кэпсиир, кинилэри үөрэтэр-такайар эбит.

Роман Александрович билигин технология сайдыбыт кэмигэр суруналыыс бэйэтин хайдах сайыннарыахтааҕын, искусственнай интеллект диэн тугун кэпсээтэ. Кини этэринэн, технология олус сайдан, оннооҕор профессиональнай медиа үлэһиттэрэ искусственнай интеллект уонна киһи бэйэтэ суруйбут ыстатыйатын арааралларын ыарырҕаталлар эбит. «Оннугу араарар олус ыарахан, элбэх үлэ, анализ наада», – диир. «Кэскил» юнкордарын кытта бу тула ыйытыы биэрэн кэпсэттэ, санаабытын, тус көрүүбүтүн иһиттэ.

Искусственнай интеллект олох сайдыытын ирдэбилэ эрээри, киһи маны бэйэтигэр сөптөөхтүк туһаныахтаах диэн өйдөөтүм. Киһи бэйэтэ толкуйдаан, сааһылаан суруйбута кырдьыктаах, ааҕааччы болҕомтотун тардар уонна дьоҥҥо туһалаах буолар дии саныыбын.

Бу көрсүһүүттэн элбэх саҥаны биллим, наадалаах информацияны иhиттим. Инникитин ону медиа оскуолам үлэтигэр туһаныам .

Оҕолор бу көрсүһүүнү сөбүлээтибит. Улааттахпытына Россия Суруналыыстарын сойууһугар киириэхпитин кытта баҕардыбыт. Ол биллэн туран, элбэх үлэттэн тахсар.
Арай соһуйбутум диэн, олус кыра дьиэҕэ үлэлииллэр эбит.

Бүтүн Россия Суруналыыстарын түмэр тэрилтэни кытта көрсүһүүнү тэрийбиттэригэр «Кэскил» оҕо бэчээтин кыһатын дириэктэригэр Ольга Ивановна Семеноваҕа уонна «Колокольчик», «Юность Севера» сурунааллар кылаабынай эрэдээктэригэр Татьяна Васильевна Чьямоваҕа ис сүрэхпиттэн махтанабын.

Бу көрсүhү хас биирдиибитигэр саҥа саҕахтары арыйыа дии саныыбын.

Алёна КСЕНОФОНТОВА, Vll кылаас,

С.Д. Флегонтов аатынан Хадаар орто оскуолата, Чурапчы