Болҕойуҥ! «Кэскиллиин ыһыахтыах» хаартыска күрэҕэ биллэриллэр!
⠀Сахабыт сирин самаан сайына барахсан кэлбитин өбүгэ саҕаттан уруйдаан-айхаллаан, ыһыах ыһыллар. Киһи үөрүөх, кэнники кэмҥэ биһиги норуоппутугар ыһыахха саамай мааны төрүт таҥаһы кэтии олус дэлэйдэ.
⠀Онон, күндү оҕолор, хааччах кэмэ диэн санааны түһэрбэккэ, биһиги эһигини «Кэскил» түһүлгэтигэр ыһыахха ыҥырабыт!
Киэргэнэн-симэнэн, үөрэн-көтөн, сахалыы таҥаскытын сайбаччы кэтэн, хаартыскаҕа түһэн бэс ыйын 20 күнүгэр диэри бэйэҕит инстаграм аккауҥҥутугар таһаарыҥ уонна @keskil.news #кэскиллииныһыахтыах бэлиэтээҥ! Ааккытын-суолгутун, оскуолаҕытын, кылааскытын суруйаргытын умнумаҥ!
Кытталлар:
— Оскуола үөрэнээччилэрэ;
— @keskil.news аккаунт сурутааччылара;
— «Кэскил» хаһыакка 2021 сыл иккис аҥаарыгар сурутуулаах буоларыҥ биһирэнэр (булгуччута суох). «Кэскилгэ» сурутуулаахпын диэн суруйан туран, квитанция хаартыскатын таһаараҕын.
Кыайыылаахтары дьүүллүүр сүбэ быһаарар. Сэмэй, минньигэс бэлэхтэр күүтэллэр. Хас биирдии кыттааччы сертификат тутар.
«Кэскиллиин ыһыахтыах» түһүлгэҕэ көхтөөхтүк кыттаргытыгар ыҥырабыт!