Оҕо саас уйата – оҕо уһуйаана буолар. Оттон уһуйаан сүрэҕэ, эт-сиин бөҕөргүүр, хамаанда тыына үөскүүр, бастакы кыайыы төрөөбүт сирэ – уһуйаан спортивнай балаһаакката буолар. Ол иһин, биһиги Дьокуускай куорат уокуругун 84 №-дээх «Искорка» уһуйаан «Олохтоох көҕүлээһиннэри өйүүр бырагыраама — 2025» бырайыактары сүүмэрдиир куонкуруска «Кэскиллээх уһуйаан» диэн спортивнай балаһааккабытын толору саҥардыыга дьоһун бырайыактаах кыттарга сайаапка биэрдибит!
Билигин оҕолор чөл туруктаах сайдалларыгар, үөрэр-көтөр, көхтөөх буолалларыгар саамай үчүгэй усулуобуйаҕа улаатыахтаахтар диэн эрэллээхпит. Балаһааккабыт өр сылларга биһиэхэ итэҕэлинэн, кырдьыгынан сулууспалаабыта. Ол эрэн, куттал суох буолуутун ирдэбилигэр эппиэттээбэт. Спортивнай сабыы эргэрэн, төрүт көстүүтүн сүтэрэн, эчэйии кыһалҕатыгар тиэрдэр. Спортивнай тэрил олус аҕыйаҕа — оҕо спорт араас өттүгэр сайда улаатарыгар хааччахтыыр. Уһуйаан спортивнай балаһааккатыгар эргэрбит тэриллэр кыһалҕалара — эстетика боппуруоһа эрэ буолбатах. Бу бастатан туран, куттал суох буолуутун боппуруоһа. Дьэбинирбит тимир тутуулар, хаппыт мас элеменнэрэ, алдьаммыт, хайыта барбыт тэриллэр барыта эчэйиини, кутталы суоһуур. Кырачааннары сибиэһэй салгыҥҥа хамсатарга аналлаах оонньуу үөрүүтүн бэлэхтиир, дьүөрэлээх эт-хаан сайдыытыгар көмөлөһөр сири оҥорор баҕа санаалаахпыт.
Биһиги бырайыакпыт былаана:
- Аныгылыы, тупсаҕай көстүүлээх ооньуур тэриллэри туруоруу. Иитиллээччилэрбит саастарыгар сөп түбэһэр спортивнай комплекстар.
- Спортивнай оонньууларга, эстафеталарга аналлаах араас тииптээх көхтөөх зоналары тэрийии.
- Куттал суох буолуутун хааччыйар сабыыны тэрийии: оҕо охтор түгэнигэр эчэйии кутталын аҕыйатар охсууну иҥэрэр сабыы.
- Оҕолорго табыгастаах, сөптөөх буолууну хааччыйыы: доруобуйаларынан хааччахтаах оҕолор наадыйыыларын учуоттуур элеменнэри, тэриллэри тутуу.
- Тупсаҕай көстүүлэээх сири оҥорууу: оҕо-аймах хараҕын үөрдэр, сүргэтин көтөҕөр, үтүө санааны үөскэтэр сырдык, дьэрэкээн дьүһүннээх сир.
«Олохтоох көҕүлээһиннэри өйүүр бырагырааммаҕа» тоҕо кыттабыт?
Маннык бырагыраамма биһиги уопсастыбабытыгар наадалаах, суолталаах бырайыактары олоххо киллэрэргэ кыах биэрэр. Олохтоох көҕүлээһиннэри өйөөһүн — күүһү түмэр, наадаларбытыгар болҕомтону тардар, олорор сирбитин-уоппутун, куораппытын тупсарар.
Куораппыт олохтоохторугар туһаайабыт.
Биһиги бырайыакпыт ситиһиитэ — эһиги өйүүргүтүттэн улахан тутулуктаах. Күрэх туһунан сонуну кэтээн көрөр түгэҥҥитигэр, сайаапкабытын өйүүргүтүгэр ыҥырабыт. Саҥардыллыбыт спортивнай балаһаакка — оҕолорбут доруобуйаларыгар, дьоллоох кэскиллигэр, ол аата Дьокуускай куорат кэскилигэр улахан кылаат буолуоҕа.
Спортивнай балаһааккабытын кырачаан уонна актыыбынай спортсменнарга чөл олох киинэ гына оҥорорго дьулуһабыт.
Людмила Грабко, «Дьокуускай куорат» 84 № — дээх «Кыым» уһуйаанын сэбиэдиссэйэ, уһуйаан коллектива уонна иитиллээччилэрэ.