Муус устар 13 күнүгэр Билим дьоҕус академиятыгар «Кэскил» медиа-ракета» смената түмүктэннэ. Бу күн биһиги бары аактабай саалаҕа мустан, смена устата ким туох үлэни оҥорбутун, ким туохха үөрэммитин туһунан көрдөрдүбүт, кэпсээтибит.
Ыытааччылар Степания Григорьева, Саша Егоров, Нелли Антонова сүрдээх үчүгэйдик салайан ыыттылар.
Бары сыанаҕа тахсаммыт тугу билбиппитин, туохха үөрэммиппитин, тугу өйдөөн хаалбыппытын кэпсээтибит.
30 оҕо икки бөлөххө арахсан, смена устата аймньылаахтык үлэлээтибит. Холобур, бастакы бөлөх Билим дьоҕус аадемиятын туһан кэпсиир «Кэскил» хаһыаты оҥорон таһаарда. Ону бэлэх курдук суулаан академия проректорыгар Галина Александровна Семеноваҕа туттардылар.
Онтон иккис бөлөх төрөөбүт дойдуларын туһунан кэпсиир видеолары уһуллубут, «Бэлэм буол» сурунаалга анал балаһалары бэлэмнээтибит уонна бэйэбит санаабытын сөпкө суруйарга үөрэннибит.
«Кэскил» оҕо бэчээтин кыһатын дириэктэрэ Ольга Ивановна Семенова барыбытыгар туох баар үтүөнү, өссө төгүл көрсүөхпүт диэн эрэнэн туран үлэбитин салҕыырбытыгар алгыс тылын эттэ.
Биһиэхэ барыбытыгар «Үүнэн-сайдан ис!» диэн анал суруктаах үрүҥ уонна кыһыл көмүс мэтээллэри, махтал сурук туттарда, салайааччыларбытыгар эмиэ махтанан сурук туттарда. Бу күн мин атаҕым сири билбэт буолуор диэри үөрбүтүм. Олохпор биир саамай дьоллоох күн ааспыта.
Бу кэнниттэн биһиги бары «Кэскил» үлэһиттэрин кытта пицца бырааһынньыгар барбыппыт. Бары кыттыһан 16 пиццаны сакаастаан тото-хана сиэбиппит. Смена устата көхтөөхтүк үлэлээбит оҕолорго Гаврил Прокопьевка уонна Краснослав Васильевка «Кэскил» үлэһиттэрэ анал бэлэхтэрин туттардылар.
Ити курдук бары бииргэ сылдьан, күлэн-үөрэн, хаартыскаҕа түһэн бу күнү умнуллубаттык атаардыбыт. Маннык үтүө күннэр биһиги олохпутугар элбэхтик буолуон баҕарабын. https://vk.com/album-199463452_292419672
Аман ЕРЕМЕЕВ, VII кылаас,
М.Е. Васильева аатынан 2 Малдьаҕар орто оскуолата, Хаҥалас.