Тохсунньу 13 күнэ — Россияҕа Бэчээт күнэ. Кэбээйи орто оскуолатын иһинэн үлэлиир «Дьоҕур» пресс-киин (сал. Павлова М.Е.) аатыттан Ольга Семенова салайааччылаах Н.Е. Мординов-Амма Аччыгыйа аатынан «Кэскил» оҕо бэчээтин кыһатын бука бары бэтэрээн үлэһиттэрин, билигин айа-тута, үлэлии-хамсыы сылдьар суруналыыстары, корреспонденнары, фото-, видеографтары, техническэй үлэһиттэри ис сүрэхпиттиттэн эҕэрдэбитин ыытабыт!
Эһигини аныгылыы көрүүлээх саҥаны арыйааччылар, дьон-сэргэ биһирэбилин ылбыт кэккэ үлэлэрдээх, кэнчээри ыччаты сиэр-майгы, иитии өттүнэн сүҥкэн кылааты киллэрээччилэр быһыытынан сыаналыыбыт, киэн туттабыт.
Үгүс сыллаах сыралаах үлэҕит оҕолор да, улахан да дьон болҕомтотун тардар, үөрэхпитигэр, үлэбитигэр көмө-тирэх буоларын билинэбит.
Баай ис хоһоонноох үлэҕит инникитин да сыаналана, сайда-үүнэ туруохтун. Бар дьон билиниитэ, дьон-сэргэ дириҥ махтала санааҕын кынаттаатын, үрдүктэн үрдүккэ көтүтэ туруохтун!
«Дьоҕур» пресс-киин, Кэбээйи орто оскуолата.