Уйгу-быйаҥ, үрүҥ тунах ыһыахтар кэрэ кэмнэрэ чугаһаата!
Саха дьоно-сэргэтэ түҥ былыргыттан үрүҥ күнү үрдүктүк тутар, сүгүрүйэр. Кылгастык кэлэн ааһар самаан сайыммытыгар күн саамай уһуннук тыган турар кэмигэр сарсыардааҥҥы саһарҕаны уруйдаан-айхаллаан көрсөр, сиэр-туом толорон, күүс-уох ылар, ыраастанар. Итини барытын оҕолорбут, сиэннэрбит, кэнчээрилэрбит көрө-истэ сылдьаллар, сүрэхтэригэр-быардарыгар иҥэрэ, саха буолалларынан киэн тутта улааталлар.
Муҥура суох киэҥ далааһыннаах фантазиялааҕытын холбообут «Мин үрүҥ күнүм» диэн ыһыах тиэмэтигэр сыһыаннаах хаартыскаларгытын 89841129951 нүөмэр ватсабыгар ыытаргытын күүтэбит.
Күрэс усулуобуйата:
☀️Бэс ыйын 10-23 күннэригэр диэри үлэлэри тутабыт. Хаартыскалар @keskil.news угуллуохтара, куоластааһын онно ыытыллыаҕа.
☀️ Сахалыы таҥастаах-саптаах буолуу, ыһыах малын-салын туһаныы сыаналанар. Хаартыска хаачыстыбата тупсаҕай буолуута ирдэнэр.
☀️ I-XI кылаас оҕолоро биирдиилээн эбэтэр кэлэктиибинэн кытталлар.
☀️ Хас биирдии кыттааччы уонна кэлэктиип @keskil.news Инстаграм сирэйигэр сурутуулаах буолуохтаах. Ону тэҥэ 2020 сыл II аҥаарыгар «Кэскил» хаһыакка суруппут скриншоккутун тэҥҥэ ыытаргытын умнумаҥ. Сурута илик эбит буолларгыт https://podpiska.pochta.ru/press/%D0%9F4344 ссылканан киирэн онлайн сурутуҥ.
Түмүк бэс ыйын 24 күнүгэр тахсыа.
Кыайыылаахтары дьүүллүүр сүбэ быһаарыа (I-V, VI-XI кылаастарга биирдии кыайыылаах). Көрөөччү биһирэбилин ылбыт кыттааччы куоластааһын түмүгүнэн биллиэ.
Хас биирдии кыттааччы сертификат тутуо.
Кыайыылаахтар Россия таһымнаах грамоталарынан, өйдөбүнньүк бэлэхтэринэн наҕараадаланыахтара.