Муус устар 8 күнүгэр оскуолабытын 1996 сыллаахха бүтэрбит суруналыыс Жанна Владимировна Леонтьева үөрэммит кыһатыгар ыалдьыттаата. Оҕолорго, учууталларга бэрт интэриэһинэй, сэргэх
матырыйааллардаах “Чуораанчык”, “Бэлэм буол”, “Колокольчик”, “Юность
Севера” сурунаалларга уонна “Кэскил” хаһыакка сурутуу саҕаламмытын туһунан иһитиннэрдэ. Куйаар кодтаах таһаарыыны хайдах туһанары, төрүччү туһунан матырыйааллардаах сурунааллары оҕолорго билиһиннэрдэ. Көрсүһүүгэ сылдьыбыт оҕолор “Кэскил-медиа” ТГ ханаалга суруйтара
оҕустулар. Учууталлар “Бэлэм буол” сурунаал анал таһаарыыларын уруоктарга, кылаас чаастарыгар, эбии дьарыктарга саҥа, сонун матырыйаал быһыытынан киэҥник туһаныллыан сөбүн бэлиэтээтилэр.
Д.Д.Гаврильева, Г.В.Егоров аатынан Мүрү 1 №-дээх орто оскуолатын
педагог-бибилэтиэкэрэ, Уус Алдан.