Бүгүн, от ыйын 15 күнүгэр «Кэскил» медиа-киин ыытар интенсив-кууруһа саҕаланна. Интенсив бастакы күнүгэр Саха сирин норуодунай суруйааччыта Семен Андреевич Попов-Тумат кэлэн ыалдьыттаата. Кини биһиэхэ, оҕолорго, элбэх саҥаны кэпсээтэ, суруналыыс буоларга да, киһи быһыытынан сайдарга да олус туһалаах сүбэлэри биэрдэ. Бастатан туран, бэйэтин туһунан билиһиннэрбитэ, онтон кэпсэтиини саҕалаабыппыт.
Сэһэргэһиибит сүрүн тиэмэтинэн саха норуотун инникитэ буолбута. Кини этэринэн сырдаттахха, саха норуотун инникитэ биһиги көлүөнэбититтэн тутулуктаах диэн өйдөөтүм. Уонна да атын тиэмэлэргэ эмиэ олус диэн интириэһинэйдик кэпсэттибит. Холобура: кырдьаҕас дьонно убаастабыл туһунан, киһи дьоҥҥо хайдах сыьыаннаьыахтааҕын туһунан уонна да үгүс туһааннаах ыйытыыылары ырыттыбыт.
Мин бэйэм маннык улахан, дьоҥҥо-сэргэҕэ барытыгар ытыктанар киһини кытта атах тэпсэн олорон кэпсэтэммин олуһун диэн үөрдүм, элбэҕи биллим уонна иһиттим.
Винокуров Сайдам,
Мэҥэ Хаҥалас улууһун Балыктаах оскуолатын 11 кыл. үөрэнээччитэ