«Кэскил» хаһыат иһинэн тахсар «Учуутал аргыһа» диэн учууталларга аналлаах балаһа сөргүтүллэн, саха тылын, литературатын уонна култууратын учууталларыттан ыстатыйалары күүтэбит!
Саха норуодунай суруйааччыта Н.Е.Мординов — Амма Аччыгыйа аатын сүгэр «Кэскил» оҕо бэчээтин кыһатын «Кэскил» хаһыатыгар саха оҕото төрөөбүт төрүт тылынан иитиллэр эйгэтин тэнитэр, кэҥэтэр соруктаах «Учуутал аргыһа» диэн анал балаһаҕа эһиги баай уопуккутун, үлэҕитин сырдатарга, биир сомоҕо буолан, тэҥҥэ үлэлэһэргэ бэлэммитин биллэрэбит!
🌿 Саҥа ньымалары киллэриигэ уонна бэйэ-бэйэни кытта уопут үллэстиигэ сэмэй кылааккытын киллэрсиэххит диэн эрэнэбит!
✅Усулуобуйабыт:
Кэпсиир, сырдатар матырыйаалгыт чопчу тиэмэлээх, хаачыстыбалаах хаартыскалардаах уонна 5 мүнүүтэттэн уһуна суох видеолаах буолара биһирэнэр.
Учуутал толору аата-суола, үлэлиир сирэ суруллар.
Үлэлэр сахалыы тылынан суруллаллар.
✅ Ону тэҥэ биир сүрүн ирдэбилбит — «Кэскил» хаһыакка 2021 сыл I аҥаарыгар суруйтарыы буолар.
Күндү учууталлар!
Уопут атастаһыытыгар көхтөөх кыттыыны ылбыттар С.Н. Донской II аатынан Үөрэҕи сайыннарар уонна идэни үрдэтэр институт аатыттан анал сертификаттары тутуоххут.
📩📩📩 Үлэлэргитин Keskilpress@mail.ru «Учуутал аргыһа» диэн ааттаан ыытаргытын күүтэбит.
Инстаграм аккауннарбыт: @keskil.media2020 уонна @keskil.news
Сайтпыт: keskil14.ru
Төл: 8-967-910-25-54, 8-984-112-99-51