Саҥа дьыл бырааһынньыга хас биирдии киһиэхэ, тэрилтэҕэ күүтүүлээх, ааспыт сылы түмүктээн, ситиһиилэри, кыаллыбатаҕы анаалыстаан кэлэр сылга сыал-сорук туруоруу буолар. Хаптаҕай орто оскуолатыгар үүнэр 2023 сылы үчүгэйдик түмүктээтибит.
Ол курдук, 2 сыл тэйиччи үөрэнэн баран, дьэ, түмсэн бииргэ үөрэннибит, араас тэрээһиннэри тэрийдибит кытынныбыт. Ахсынньы 28 күнүгэр түмүк тахсан, Харыйабыт киэркэйэн, күн араас уотунан умайан үөрэнээччилэр үөрэн-көтөн бастаан алын, салгыы үрдүкү кылаастарга саҥа дьыллааҕы алыптаах утренник уонна киэһэ буолла. Учууталларбыт, бары кылаастар көрдөрүү бэлэмнээбиттэр.
Сүрүн туруоруу «Золушка» остуоруйа буолла, кылаастар ол остуоруйаҕа араас ыалдьыт буолан киирэн истилэр. Бииртэн биир интэриэһинэй көстүүлэр сөхтөрдүлэр. Остуоруйа дьоруойдарын учууталларбыт олус итэҕэллээхтик оонньоотулар, ол курдук, Золушканы — Айталина Эдуардовна Никифорова, принцтар – Георгий Валерьевич Никифоров, Хоруолу — Иван Иванович Давыдов, маачаханы — Светлана Анатольевна Кокорева, кыргыттарын Анастасия Харлампьевна Дмитриева уонна Валентина Константиновна Петрова. Маны таһынан массовкаҕа учууталлар кытыннылар, онтон кылаастаах учууталлар оҕолорун кытта кытыннылар.
Түмүккэ Тымньыы оҕонньор сиэнинээн уонна саҥа 2023 сыл бэлиэтэ Куобахчаанныын, Золушканы сиэтэн киллэрэн, Принцка туттаран эҕэрдэлээтилэр.
Тымныы оҕонньор ураты ситиһиилээхтэргэ, кини бирииһин күрэҕин кыайыылаахтарыгар анал бириистэри туттарда. Остуоруйаны бары астынан биир тыынынан көрдүбүт.
Учууталларбытыгар, оҕолорго маннык олус үчүгэй бырааһынньыгы бэлэхтээбиттэригэр махтанабыт.Үүнэр дьыл барыбытыгар үтүөну, кэрэни, ситиһиини эрэ аҕаллын!
«Кустук» медиастудия салайааччыта Н.Н. Яковлева уонна Василена Дмитриева, студия иитиллээччитэ, 8 кылаас үөрэнээччитэ, Хаптаҕай.