Тиһэх чуораан диэн хас биирдии оскуоланы бүтэрэр оҕоҕо ордук суолталаах, долгутуулаах күн буолар. Бу күн сайыҥҥы сынньалаҥ саҕаланыытын уонна үөрэх түмүктэнэрин бэлиэтиир.
Ыам ыйын 24 күнүгэр Е.Е.Эверстов аатын сүгэр Кэбээйи орто оскуолатыгар үөрүүлээх тэрээһин ааста. Бу күн учууталлар, оскуола оҕолоро, кинилэр төрөппүттэрэ уонна ыалдьыттар мустаннар, бэрт сэргэх тэрээһин буолан ааста.
Быйыл бу үөрэх кыһатын, 11-с «а», «б» кылааһы 25 оҕо бүтэрэн олох киэҥ аартыгар үктэнэр. Кинилэр ортолоругар үөрэх бастыҥнара, улуустааҕы, регионнааҕы, предметнэй олимпиадалар кыттыылаахтара, призердара, Бүтүн Россиятааҕы научнай – практическай конференциялар призердара, кыайыылаахтара бааллар. Кылаас салайааччыларынан үрдүк категориялаах учууталлар Анна Левина уонна Майя Терехова буолаллар. Маны тэҥэ 9-с «а», «б» кылааһы 37 оҕо ситиһиилээхтик бүтэрдилэр.
Бырааһынньык 11 кылаас үөрэнээччилэрэ кылаастарын салайааччыларын кытта тахсыбыттарыттан саҕаланна.
Быйылгы выпускниктары 3, 5 уонна 10 кылаас үөрэнээччилэрэ чаҕылхай флешмобунан эҕэрдэлээтилэр, оҕолорго 11 сыл устун оскуолатааҕы олохторун көрдөрдүлэр. Кэлбит ыалдьыттары бэһис кылаас үөрэнээччилэрэ үҥкүүлэринэн үөртүлэр,
Үөрэнээччилэри долгутуулаах бэлиэ түгэннэринэн оскуола дириэктэрэ Гаврил Харлампьев, директоры үөрэх чааһыгар солбуйааччылар Евдокия Терехова, Вероника Находкина, иитии үлэтигэр солбуйааччы Аполлон Гуляев, иитии үлэҕэ сүбэһит Мария Павлова, социальнай партнердар уо.д.а. эҕэрдэлээтилэр. Онтон биирдиилээн үрдүк көрдөрүүлээх үөрэнээччилэргэ, бастыҥ актыбыыстарга республика, улуус наҕараадаларын, уопсастыбаннай түмсүүлэр олохтообут бириэмийэлэрин туттардылар.
Маны таһынан бу күн выпускниктары маҥнайгы учууталлара, кылаас салайааччылара, төрөппүттэрэ оҕолорун эҕэрдэлээтилэр, бэлэхтэрин туттардылар.
11-с кылаастар үгэскэ кубулуйбут вальс намыын муусукатыгар үөрэппит учууталларын кытта уйдаран үҥкүүлээтилэр. Онтон үөрэппит учууталларыгар махтанан туран, сэмэй бэлэхтэри, тыыннаах сибэкки дьөрбөтүн бэлэх ууннулар.
Тэрээһин устатын тухары выпускниктар долгутуулаах күннэрин үллэстэн, оскуола үөрэнээччилэрэ уонна учууталлар эҕэрдэ нүөмэрдэри туруордулар. Үөрэнээччилэр, ыалдьыттар хас биирдии нүөмэри дохсун ытыс доҕуһуолунан, күргүөмнээх хаһыынан көрүстүлэр.
Олоххо умнуллубат бырааһынньык “Тиһэх чуораан” чугдаарар тыаһынан түмүктэннэ.
Сайаана Терехова, 10 кылаас
«Дьоҕур» медиакиин,Кэбээйи орто оскуолата