Кулун тутар 11 күнүгэр Кэбээйи улууһугар XIX Өрөспүүбүлүкэтээҕи Олоҥхо Ыһыаҕар бэлэмнэнии, Арассыыйа Бэрэсидьиэнэ В.В. Путин Ыйааҕынан биллэриллибит Арассыыйа норуоттарын сомоҕолоһууларын сылын уонна Саха Өрөспүүбүлүкэтигэр Култуура сылын чэрчилэринэн научнай –методическай кэмпириэнсийэ ыытылынна.
Кэмпириэнсийэ сыала-соруга:
• Саха Өрөспүүбүлүкэтигэр Ил Дархан уурааҕынан биллэриллибит Олоҥхо Үһүс уон сылын тэрээһииннэрин торумун оҥоруу;
Кэрэ кэскил кыраай Кэбээйи нэһилиэгэ ыраахтан-чугастан, уопсайа 19 улуустан, 800-чэкэ кыттааччыны, экспиэрдэри көрүстэ. Сахалыы сайбаччы симэммит оҕолор ыалдьыттары алгыстаах алаадьынан, уохтаах кымыһынан үөрэ-көтө көрүстүлэр.
Кэбээйи орто оскуолатын үс этээһинэн кэмпириэнсийэ кыттыылаахтара уонна ыалдьыттара тоҕуоруччу муһуннулар. Бу күн кэмпириэнсийэ үөрүүлээх аһыллыытынан саҕаланна. Эҕэрдэ тылы Кэбээйи улууһун аҕа баһылыга Иван Левин эттэ. Үөрүүлээх арыллыы кэннэ панельнай сессия уонна олуктарынан үлэ салҕаммыта.
Кэмпириэнсийэ чэрчитинэн бииртэн биир хатыламмат, араас таҺымнаах маастар-кылаастар ыытылыннылар. Ол курдук, олоҥхону, тойугу толорууга, хотугу норуоттар төрүт астарын астыырга, өбүгэ таҥаһын-сабын тигии кистэлэҥэрэ, Саха Сиригэр ювилернай дьыала,олоҥхо музыката, туойунан оҥоҺук о.д.а. ыытылыннылар.
Олоҥхо кэмпириэнсийэтин кыттыылаахтара элбэх саҥа билиини, үөрүйэҕи иҥэриннилэр, саха култууратын тарҕатыыга кылааттарын киллэрсэн, астына-дуоҺуйа тарҕастылар.
Сайаана Терехова, Кэбээйи орто оскуолатын 11 кылааһын үөрэнээччитэ,
«Дьоҕур» медиакиин, Кэбээйи