Сахалыы остуол оонньуута өбүгэбит култууратын сорҕото буолар. Үөрэхтээхтэр маннык этэллэр: «Оҕону төһөнөн эрдэ өй, остуол оонньуутугар угуйаҕын да, кини соччонон сытыы, имигэс өйдөөх, билбитин сатаан олоххо туһанар, инникитин өтө көрөр кыахтаах, үрдүк интеллектээх киһи буола улаатар».
Кэбээйи орто оскуолатыгар сэтинньи 22-23 күннэригэр саха омук төрүт оонньууларыгар, хабылыкка, хаамыскаҕа, оскуола иһинэн күрэх буолан ааста. Барыта 84 үөрэнээччи уонна учуутал күөн көрүстүлэр.
Хаамыскалары кытаанах мастан 1,5-2 см өрүттээх 5 кубик оҥоһуллар. 2 мүнүүтэ оонньонор. Ким элбэх очко ылбыт — хотор. оонньооччу хаамысканы оргууй аҕай тарҕата быраҕар. Биири талан ылан өрө быраҕар уонна түһүөн иннинэ атыттары биир-биир хомуйан ылар. Хаамыскаһыт тарбаҕа имигэһин, хапсаҕайын таһынан тургэнник хамсанар, сытыы-сымса буолуохтаах.
Хабылык маһа 16 см уһун, 9 см кэтит, 4 мм халыҥ буолар. Ахсаана 30 устуука. 2 мүнүүтэ оонньонор. Оонньооччу хабылыгы ытыһыгар ууран баран өрө быраҕаат, илиитин көхсүгэр түһэрэн ылар. Икки мүнүүтэ бүтүөр диэри оонньонор, элбэҕи ылбыт бастыыр. Киһи илиитэ, тарбаҕа имигэс, чуолкай хамсаныылаах буола сайдар.
Хабылыкка бастыҥнарынан Маша Оконешникова (2 «а» кылаас), Дамир Павлов (2 «а» кылаас), Алиана Левина (4 «б» кылаас), Ваня Сыроватскай (4 «б» кылаас), Люба Максимова (6 «а» кылаас), Сережа Софронеев (6 «а» кылаас), Айсен Кобяков (8 «б» кылаас), Марсель Егоров (9 «б» кылаас), Каролина Дьяконова (8 «б» кылаас), Света Филиппова (10 «б» кылаас) ааттаннылар.
Хаамыскаҕа — Маша Оконешникова (2 «а» кылаас), Дамир Павлов (2 «а» кылаас), Алиана Левина (4 «б» кылаас), Ваня Сыроватскай (4 «б» кылаас), Люба Максимова (6 «а» кылаас), Андрей Дьяконов (5 «б» кылаас), Айсен Кобяков (8 «б» кылаас), Марсель Егоров (8 «б» кылаас), Алина Харлампьева (9 «б» кылаас) бастыҥ түмүгү көрдөрөннөр, инники күөҥҥэ таҕыстылар.
Оттон учууталлар ортолоругар хабылыкка технология учуутала С.А. Максимов, алын кылаас учуутала С.В. Семенова, хаамыскаҕа – география учуутала А.С. Эверстова, С.В. Семенова, С.А. Максимов бастаан таҕыстылар.
Бу күрэхтэһиигэ кыттан, биһиги оҕолор толкуйдуур дьоҕурбутун, өйбүтүн-санаабытын уонна эппитин-сииммитин сайыннардыбыт.
Валя Гуляева, 8 кылаас
«Дьоҕур» пресс-киин, Кэбээйи орто оскуолата.