Бу күннэргэ Сахабыт сирин бары кинотеатрдарыгар «Карина» диэн сахалыы киинэ буола турар. Бу киинэ дьиҥнээх олоххо буолбут түбэлтэнэн уһуллубут. Ыраах Өлүөхүмэ улууһугар Олом диэн сайылыкка буолбут. 4 саастаах Карина Чикитова ойуурга 12 күнү быһа сүтэ сылдьыбытын туһунан көстөр.
Киинэни көрөөт мин Карина кып-кыра буолан баран наһаа хорсун, өйдөөх, бэйэтин сатаан көрүнэр оҕо эбит дии санаатым. Кини олох атаах оҕо буолбатах, сайыны быһа сайылыкка оонньоон, айылҕаҕа чугас, эһэтин кытта окко, тыаҕа сылдьар буолан, ойуурга итиччэ өр тыыннаах бэйэтин көрүнэн сылдьыбыт дии саныыбын. Киинэ устата Каринаны аһынан таҕыстым. Өссө эһэтэ өрүстэн көрдөһөрүгэр наһаа аһыммытым, хараҕым уута сүүрбүтэ.
Бу киинэ «ыт – киһи доҕоро» диэн этии наһаа сөптөөҕүн көрдөрдө. Кыыс ыта суоҕа буоллар, баҕар тыыннаах хаалыа суох этэ. «Тыаҕа мээнэ айдаарыа суохтааххын» диэн этии эмиэ өйбөр хатанан хаалла. Бу киинэ киһини толкуйдатар уонна элбэххэ үөрэтэр дии санаатым.
Артем Седалищев,
С.А.Новгородов аатынан Чурапчы орто оскуолатын
5-с “в” кылааһын үөрэнээччитэ