Тыый! Тугун кэрэтэй, үчүгэйэй? Бу барыта чыычаахтар дуо?
Наһаа да сэргии көрдүм, Аан дойду үрдүнэн — көтөрдөр, чыычаахтар күннэригэр анаан, Бороҕоннооҕу оҕо кииннэммит библиотеката манна аналлаах энциклопедия кинигэлэрин кытта значогу, көтөрдөргө аналлаах мас сувенирдары мунньар Алексей Алексеевич Винокуров анал коллекциятын туруорбуттар. Значок арааһа, аан дойду араас муннугуттан барыта баар. Көрөн сэргиэххит дии саныыбын.
Алексей Алексеевич «Умсулҕан» коллекционердарын түмсүүтүн биир саамай көхтөөх чилиэнэ. Бэйэтэ идэтинэн биология учуутала, билигин Мүрүтээҕи юннаттар станцияларыгар педагог.
Бу оҕолорго аналлаах быыстапка туһунан биһиэхэ оҕо кииннэммит библиотекатын сэбиэдиссэйэ Вера Алексеевна Портнягина кэпсиир. Истиэххэйиҥ эрэ.
Оҕолоор, эһиги значоктары мунньаҕыт дуо? Ким тугу коллекциялыырый? Бу наһаа үчүгэй умсулҕаннаах дьарык.
Татьяна ЖИРКОВА, суруналыыс.
Уус-Алдан, Бороҕон.