Хаҥалас улууһун М.Е. Васильева аатынан 2-с Малдьаҕар орто оскуолатын үөрэнээччилэрэ сааскы күннэргэ күргүөмнээхтик үлэлээтилэр.
5-6 кылаас коллективтара Улахан Аан нэһилиэгэр олорор аҕам саастаах дьоҥҥо хаар ыраастааһыныгар көмөлөстүлэр. Ол курдук Ефремова Светлана Ильиничнаҕа икки кылаас холбоһон үлэлээтилэр. 5 кылаас коллектива маны тэҥэ Пудова Татьяна Егоровнаҕа хаар ыраастаан көмөлөстө.
6 кылаас коллектива Николаева Александра Петровнаҕа көмөлөстө.
7, 8, 9 кылаас коллективтара сааскы күннэргэ үлэни өрө тутан, субуотунньукка таҕыстылар.
Ол курдук, 7 уонна 9 кылаас үөрэнээччилэрэ бэтэрээн учууталларга Македонова Вера Алексеевнаҕа, Тимофеева Валентина Николаевнаҕа көмөлөһөн, махтал тылларын иһиттилэр.
8 кылаас коллектива анал байыаннай дьайыыга кытта сылдьар учууталларыгар Иван Петрович дьиэ кэргэнигэр көмө оҥорон, хаары ыраастаатылар.
10, 11 кылаастар, ону тэҥэ Мордовской А.В., Максимов В.С. этэрээттэрэ сааскы күннэргэ субуотунньуктаатылар. Бэтэрээн учууталга Кононова Зоя Афанасьевнаҕа 10 кылаас коллектива көмөлөстө.
Анал дьайыы кыттыылаахтарын дьиэ кэргэттэригэр, учууталларыгар Венера Спартаковнаҕа Мордовской А.В. этэрээтэ, Лукиннар дьиэ кэргэҥҥэ Максимов В.С. этэрээтэ көмөлөстө.
«Кустук», «Эрэл» оҕо түмсүүлэрэ Павлова Светлана Петровнаҕа субуотунньуктаатылар.
Оҕолорго барыларыгар махтал, үлэни өрө тутуҥ, үтүө санаанан салайтарыҥ!
М.Е. Васильева аатынан 2-с Малдьаҕар орто оскуолатын медиакиинэ.