835 нэһилиэнньэлээх Күндэйэ нэһилиэгэ Сунтаар улууһун биир бастыҥ нэһилиэктэр ахсааннарыгар киирэр. Ахсынньы аам-даам тымныылар саҕаланнылар. Онтон нэһилиэкпит тэрилтэлэрин ититиинэн хааччыйар Олох-дьаһах коммунальнай хаһаайыстыбатын Сунтаардааҕы филиалын Күндэйэ учаастага үлэлиир. Маастар Семенов Сергей Петрович кэпсээбитинэн, нэһилиэк иһигэр 2 котельнайы уонна уу ыраастыыр станцияны үлэлэтэллэр. Кини салалтатынан уопсайа 12 эр бэрдэ үлэлииллэр.
Уу ыраастыыр станция нэһилиэк бар дьонун ыраас ууннан күннэтэ хааччыйар. Онтон котельнайдар бөһүөлэкпит сүрүн улахан тэрилтэлэрин, ону таһынан 10 олохтоох ыал дьиэтин ититииннэн хааччыйар. Хачыгаар сүрүн бээһинэһэ диэн халлаан туругун көрөн сөптөөх сылытыыны биэрээһин.
Ол курдук биир үлэһит смената 12 чаас буолар. Ону таһынан ОДьКХ үлэһиттэрэ сылын ахсын бэтэрээн үлэһиттэригэр, нэһилиэк ытык кырдьаҕастарыгар, Анал байыаннай дьайыыга сылдьар кыттыылаахтарын дьиэ кэргэннэригэр үтүө дьыаланы оҥорон куруук көмөлөһөллөр.
Карнелия Исагалиева,
“Күн.ру” пресс-центр,
Б.Н. Егоров аатынан Күндэйэ орто оскуолата,
Күндэйэ, Сунтаар