Быйыл Ньурба Күндээдэтин икки эдэр кэрэспэдьиэнэ оскуоланы бүтэрдилэр. Иккиэн кыргыттар: Ипатьева Алена уонна Варламова Вера. Эксээмэннэрин этэҥҥэ туттаран, сотору үөрэххэ туттарсыахтара.
Күндээдэ эдэр корреспонденнара номнуо оскуоланы бүтэрдилэр. Оҕо эрдэхтэриттэн хаһыаты кытта доҕордоһуулара кинилэри үөрэххэ да, уопсастыбаннай олоххо да инники күөҥҥэ сылдьарга сирдээбитэ.
Иппатьева Алена үөрэҕэр үчүгэй, сайдам санаалаах. Доҕотторугар, төрөппүттэригэр, бииргэ төрөөбүттэригэр, учууталларыгар эйэҕэс майгылаах. Оскуолаҕа үөрэммит сылларыгар «Куорсун», «Ньурба», «Кэскил» хаһыаттар солбуллубат эдэр кэрэспэдьиэннэрэ буолла. Ордук элбэхтик оройуонун хаһыатыгар заметкалара тахсаллар.
Алена олох кыра сааһыттан үҥкүү кэрэ эйгэтигэр дьарыктанан, Арассыыйа образцовай «Кэскил» оҕо үҥкүүтүн ансаамбылын бастыҥ үҥкүүһүтэ, (сал. Г.П.Степанова, СӨ култууратын туйгуна). Араас омук сирдэринэн саха омугун култууратын көрдөрөн, фольклорун үрдүк таһымҥа таһаарсан бэйэтин сэмэй кылаатын киллэрдэ. Оройуоннааҕы, өрөспүүбүлүкэтээҕи, норуоттар икки ардыларынааҕы фольклор жанрдарыгар тойук, оһуокай хас да төгүллээх кыайыылааҕа буолар. Оскуоланы бүтэрэр тиһэх чуорааныгар элбэх стипендияны тутта. Күндээдэ орто оскуолатын попечительскай сэбиэтин чилиэнэ Борисова Прасковья Петровна анал стипендиатын тутан, олус долгуйда. Итиэннэ үөрэххэ, үлэҕэ, актыыбынайынан Үлэ уонна тыыл бэтэрээнэ Федорова Агафья Егоровна аатынан стипендияны Иудиннар дьиэ кэргэттэрэ туттардылар. Саха АССР народнай үөрэҕин туйгуна, педагогическай үлэ уонна тыыл бэтэрээнэ Гаврильева Мария Никитична аатынан стипендияны попечителлэр Тихонов А.С., Никифорова С.С. анаатылар. Эһэтэ, үлэ, тыыл бэтэрээнэ Саввинов Дмитрий Игнатьевич аатынан оҕолоро, сиэннэрэ, балтыларыгар Аленаҕа элбэх ситиһиитин иһин туттардылар.
Ону таһынан үөрэппит учууталлара Т.Г. Яковлева, Э.А. Дмитриев, эдьиийэ Р.В. Борисова, педагогическай үлэ бэтэрээнэ Варламова Розалия Фёдоровна аатынан стипендиятын туттардылар. Үөрэххэ дьулуурдаах, элбэх ситиһиилэрдээх. Быйыл ХИФУ иһинэн ыытыллыбыт саха тылыгар, литэрэтиирэтигэр, национальнай култуура олимпиадатыгар кыттан, иккис тур призера буолла. Күндээдэ нэһилиэгэр быйыл тэриллибит «Күн сарыала» хаһыакка эмиэ кэрэспэдьиэнинэн үөрэҕин түмүктээтэ. Быйыл Ньурбаҕа буолбут Бүлүү бөлөх эдэр кэрэспэдьиэннэрин «Кэскил» хаһыат сүлүөтүн кыттыылааҕа. «Бастыҥ кылыһахтаах куолас» номинана. Алена БКЭлэрин ситиһиилээхтик туттаран, сөбүлүүр идэтигэр киириэҕэ.
Саха АССР народнай үөрэҕин туйгуна, педагогическай үлэ уонна тыыл бэтэрээнэ Гаврильева Мария Никитична аатынан стипендияны попечителлэр Тихонов А.С., Никифорова С.С. анаатылар. Варламовтар дьиэ кэргэн нэһилиэк социальнай-экономическай сайдыытыгар кылаатын иһин Ил Түмэнтэн Правительственнай үрүҥ көмүс бэлиэ хаһаайката, бастакы разрядтаах өрөспүүбүлүкэ сүбэһитэ, үлэ бэтэрээнэ Варламова Роза Федоровна аатынан стипендияны туттардылар.
Варламова Вера үөрэҕэр үчүгэй, общественнай олоххо актыыбынайдык кыттар. Оскуола «Куорсун» таһаарыытыгар, «Ньурба», «Кэскил» хаһыаттарга эдкордаата. Кини наһаа сэмэй, онон хаһыакка суруйуулара эмиэ соннуктар.
Вера кыра сааһыттан үҥкүү кэрэ эйгэтигэр дьарыктанар. Арассыыйа образцовай оҕо үҥкүү ансаамбылын билиниитигэр «Кэскил» бастыҥ үҥкүүһүтэ ааты ылбыта. Орто сүһүөх кылаастарга сылдьан «Сахам мандаар саҥата» куруһуокка дьарыктанан, төрөөбүт төрүт тылыгар умсугуйан туран дьарыктаммыта. Оскуола, оройуон, өрөспүүбүлүкэ олимпиадаларыгар ситиһиилээх кыттааччы. Ону таһынан оройуон, өрөспүүбүлүкэ таһымнаах араас тиэмэлэргэ өйтөн суруйуу хас да төгүллээх кыайыылааҕа. Вера СӨ үөрэҕириитин туйгуна, саха тылын, литэрэтиирэтин учуутала Иванова Таисия Ивановна анал сипендиятын тутта.
Алена култуура колледжыгар туттарсар, оттон Вера медицина салаатыгар идэ ылар санаалаахтар. Оттон биһиги, «Кэскил» издательство кэлэктиибэ, кыргыттар айар, суруйар дьоҕурдарын салгыы сайыннаралларыгар баҕарабыт. Дьарыктарын кынат оҥостон олох устун илдьэ сырыттыннар, үүнэ, сайда турдуннар.
Ааптар: keskil14.ru