Ахсынньы 2-3 күннэригэр Дьокуускай куоракка X өрөспүүбүлүкэтэҕи «Бриллиантовые нотки» куонкурус-фестиваль иһинэн ыытыллар «Зима начинается с Якутии» өрөспүүбүлүкэтэҕи фестивальга Марина Ивановна Афанасьева салайааччылаах «Күндүл» этно-студия оҕолоро баран ситиһиилээхтик кыттан кэллибит.
Фольклор номинациятыгар Айыллаана Алексеева, Айаал Алексеев, Сандаара Борисова, Олег Васильев, Эвелина Николаева, Эдина Степанова «Чоргуй чобуо чабырҕах» чабырҕаҕынан II степеннээх лауреат буоллубут. Сандал Антонов, 3 кылаас үѳрэнээччитэ «Кыһыҥҥы эҕэрдэ» оһуохайынан II степеннээх лауреат, салайааччыбыт Марина Ивановна «Норуот ырыаларыгар попурри» ырыатынан I степеннээх лауреат буоллулар.
Сынньалаҥ кэммитигэр Cinemacenter киинэ тыйаатырыгар «Зачарованные-2» киинэ кѳрбүппүт, «Warpoint» виртуальнай хамаанданан оонньууга оонньообуппут, маҕаһыыннарга сылдьыбыппыт, «Бургер кинг» сылдьан аһаабыппыт, Ленин, Орджоникидзе болуоссаттарын кэрийэн, саҥа дьыл тыына кэлэн иһэрин харыйалары көрөн астынныбыт, хаартыскаҕа түстүбүт. Бу күннэрбитин олус туһалаахтык атаарбыппытыттан учууталбытыгар Марина Ивановнаҕа махтанабыт.
Эвелина Николаева, 6 кылаас үөрэнээччитэ, «Көмүс бөрүө» пресс-киин эдкора,
Илбэҥэ, Бүлүү.