Мин ийэм Ульяна Афанасьевна Хоютанова түөрт оҕо амарах ийэтэ уонна саха тылын, литературатын учууталынан Чымынаайы орто оскуолатыгар үлэлиир.
Кини учуутал киһи буолан бэйэбин өйдүөхпүттэн үөрэтэр иитэр өрүтэ куруук элбэх. Ханна да сырыттарбын тутта-хапта сылдьарга, таҥаһы сабы көрүнэргэ, кэпсэтэргэ, санааны толору этэргэ сүбэлиир.
Ийэм асчыт буолан, араас эгэлгэ аһы астыырга, дьиэни-уоту көрүүгэ, дьоҥҥо-сэргэҕэ сылдьан тутта-хапта сылдьара, саҥарар быһыыта биһиэхэ оҕолоругар наһаа үчүгэй холобур буолар. Ийэбит биһигини кытта куруук бииргэ сылдьарын сөбүлүүр. Тыаҕа тахсан дьаарбайабыт, сир астыыбыт, дьиэ таһыгар оҕуруокка күүс-көмө буолабыт, тэҥҥэ ас астыыбыт, оонньуубут-көрүлүүбүт. Кини манан эрэ муҥурдаммат. Научнай үлэнэн утумнаахтык дьарыктанар, билим эйгэтигэр миигин сыһыаран, араас таһымнаах күрэхтэргэ ситиһиилээхтик кыттан, кылаан кыайыылаах буолбут түгэним элбэх.
Күндү киһибит өссө да өр сылларга биһиэхэ өйөбүл буолан көмөлөһө, тахсар күммүтүн сырдата тур диэн баҕа санаабын тиэрдэбин!
Нария Хоютанова, 11 кылаас,
Г.Д. Бястинов-Бэс Дьарааһын аатынан Чымынаайы орто оскуолата,
Таатта улууһа
keskil14.ru