Балаҕан ыйын 20 күнүгэр Дьокуускай куорат Өрөспүүбүлүкэтээҕи лиссиэй-интэринээтигэр бүтүн Өрөспүүбүлүкэтээҕи «Күн» оҕо хамсааһынын сыллааҕы үлэтин былаанныыр сыаллаах «Күн Саха сирэ» тэрээһин буолан ааста. Бу оҕо хамсааһына 2023 сыллаахха 14 улууска тэриллэн үлэтин саҕалаабыта. Кини сыалынан-соругунан оҕолорго ийэ тылы тарҕатар, сайыннарар, оҕолор оҕолору кытта төрөөбүт тылынан кэпсэтэр эйгэлэрин кэҥэтэр сыаллаах буолар.
Максимова Айыы-Куо Айсэновна, дириэктэри иитиигэ сүбэһит, кэпсиир:
Дьокуускай куоратын 17 нүөмэрдээх орто оскуолатыттан «Улахан кылаас оҕолорун сүбэтиттэн» барыта 12 оҕо көхтөөхтүк кытынна: Федорова Анджелина, Сергеева Сардаана, Николаева Алеся, Семенова Сандаара, Бурнашева Сардаана, Никанорова Юлиана, Соров Айхал, Габышев Афоня, Дьячковскай Айдар, Трифонов Василий, Родионов Сергей, Левин Ариан. Ол курдук, оскуолабыт хамаандата «Мин дойдум-мин дьолум» диэн тиэмэҕэ 5-7 мүнүүтэлээх кылгас бэйэни билиһиннэриини уһулан бэлэмнээбиттэрэ. Тэрээһин чэрчитинэн оҕолорбут олус үчүгэйдик үҥкүүлээн көрдөрдүлэр. Ол кэннэ стратегическай сессия буолбута. Манна өссө биллэр-көстөр дьоннордуун көрсүстүлэр. Ол курдук, Николай Обоев, Аман Анхаров оҕолор сүрэхтэрин туттулар. Бу тэрээһин чэрчитинэн «Күн» оҕо хамсааһына оскуолалартан эппиэтинэстээхтэри талан инники былаанын торумнаныахтаах. Хас биирдии кэлбит оскуолаҕа алтынньы ыйга диэри бу хайысханан былаанныырга сорудах бэрилиннэ. Оскуолабыт хамаандатыттан 9 кылаас үөрэнээччитин Николаева Алесяны эппиэтинэстээҕинэн таллылар. Саҥа, сэргэх тэрээһин билсиһии биэчэринэн түмүктэннэ. Оҕолорбут олус сөбүлээн элбэҕи иһиттилэр, биллилэр.
Оскуолабыт киэҥ көрүүлээх уонна күүстээх санаалаах оҕолоругар саҥа саҕалааһыннарыгар ситиһиилэри баҕарабыт!
«Сайдын» медиакиин юнкордара, 17№-дээх оскуола, Дьокуускай
keskil14.ru