Балаҕан ыйын 14 күнүгэр нэһилиэкпитигэр «Көмүс күһүн» бырааһынньыга буолан ааспыта. Бастаан оскуола иннинээҕи саастаах оҕолоруттан саҕалаан улахан дьоннорго дылы «Кросс наций» сүүрүү күрэҕэ буолбута.
Оскуола оҕолоругар 1-4 кылааска диэри Иванов Ариан – 1 миэстэ , Кириллин Эдвард – 2 миэстэ, Романов Игнат – 3 миэстэ; 5-8 кылаастарга Прокопьев Жора – 1 миэстэ, Романов Иван – 2 миэстэ, Владимиров Марик – 3 миэстэ, 9-11 кылаастарга Куприянов Андрей – 1 миэстэ, Филиппов Саша – 2 миэстэ уонна Васильев Павел – 3 миэстэ буолан грамота туппуттара.
Сүүрүү кыттааччыларыгар лотерея билиэтин түҥэппиттэрэ. Бырааһынньык устата араас бириистэр
оонньоммуттара. Улахан бириистэргэ – 2 кылаас үөрэнээччитэ Федорова Катя уонна 6 кылаас үөрэнээччитэ Васильев Савва биирдии куул хортуоппуйу ылбыттара. Биир дьааһык отону детсад иитиллээччитэ Иванова Сайаара сүүйбүтэ. Педагог уонна наставник сылынан ветеран үлэһиттэргэ оҕолор уонна оскуола коллектива Үтүө санаа оҥоойугун — дьааһык отону бэлэх ууммуппут.
Оскуола оҕолоро Күһүҥҥү ярмаркаҕа остуол киэргэтэн, ас астаан аҕалан атыылаабыппыт. «Осенний авангард» түһүмэххэ кылаастар бары олус үчүгэйдик оҥостубуттар, бэлэмнэммиттэр этэ. Хас биирдии оҕо араас көстүүмү толкуйдаан көрдөрбүттэрэ. «Самый Самый» диэн күрэххэ улахан хортуоппуй, моркуоп уонна сүбүөкүлэ кылаастар аҕалан күрэхтэспиппит.
Уопсай тумуккэ алын сүһүөх кылаастарга:
1 миэстэ – 4 кылаас;
2 миэстэ 3 кылаас;
3 миэстэ 1 кылаас.
Улахан кылаастарга:
1 миэстэ – 9 кылаас;
2 миэстэ – 6 кылаас;
3 миэстэ – 8 кылаас
буолбуттара.
Көмүс күһүммүт олус интэриэһинэйдик, бэрткэ ааста.
Федорова Ангелена 8 кылаас, Проба пера эдкора, Чыамайыкы Мэҥэ Хаҥалас