Оҕолоор, эһиги «Күлүк театра» диэни истибиккит дуо? Оннук театр Москва куоракка баар эбит. Чуораанчык уол дьикти театр артыыстарын кытта кэпсэттэ.
Бу — күлүк искусствотын техникатын, тутулун дьоҥҥо-сэргэҕэ тиэрдэр Россияҕа соҕотох театр. Үлэтин көһө сылдьар театр быһыытынан 1944 сыллаахтан саҕалаабыт. 1988 сыллаахха Измайловскай бульварга «Весна» киинэ театрыгар дьиэлэнэн, үлэтин хайысхатын кэҥэппит. Кытайдар курдук, дьэрэкээн өҥнөөх хамсыыр куукуланан испэктээк туруорар буолбуттар. Билигин «Күлүк театра» аныгы ньымалары баһылыыр. Видеомэппинг, компьютернай анимация нөҥүө испэктээктэри туруоран, дьону үөрдэр, сөхтөрөр.
Тарбах күлүгэр — кыыллар
Москватааҕы «Күлүк театрын» артыыстара ааҕааччыларыгар сорудах ыыттылар. Тарбах күлүгүнэн кыыллары оҥор.
Москваҕа тиийдэххитинэ, Күлүк театрыгар хайаан да ыалдьыттаарын!
Нюргуяна Захарова.