Н.О. Кривошапкин аатынан Өймөкөөн орто оскуолатын үөрэнээччилэрэ сылын ахсын аҕам саастаахтар декадаларын чэрчитинэн нэһилиэкпит кырдьаҕастарыгар көмөлөһөллөр, сэмэй бэлэхтэри, отоннору туттаран, эҕэрдэлэрин тиэрдэллэр.
Быйылгы үөрэх дьылыгар эмиэ кылаастарынан биирдии аҕам саастаах дьону шефствоҕа ылан, дьиэлэринэн сылдьан эҕэрдэлээтибит. Ол курдук, II кылаастар үлэ бэтэрээнэ, кыраайы үөрэтээччи Тамара Егоровна Васильеваҕа (салайааччы Надежда Сергеевна Чирикова), III кылаас үөрэнээччилэрэ (сал. Наталья Иннокентьевна Аммосова) үлэ, тыыл бэтэрээнигэр, 7 км. сиргэ Биэрэк Үрдүгэр олорор Гаврил Семенович Аммосовка, IV кылаастар (сал. Люция Прокопьевна Аммосова) үлэ, тыыл бэтэрээнэ Елена Семеновна Сивцеваҕа, бэтэрээн учуутал Октябрина Семеновна Сивцеваҕа,
V кылаас үөрэнээччилэрэ (сал. Ирина Федоровна Кондакова) бэтэрээн учуутал Вера Афанасьевна Аммосоваҕа, VI кылаастар (сал. Наталья Ивановна Платонова) үлэ, тыыл бэтэрээнэ Мария Гаврильевна Ефимоваҕа, VII кылаас үөрэнээччилэрэ (сал. Ольга Васильевна Борисова) 3 км. Хара Тумулга олорор үлэ, тыыл бэтэрээнэ Екатерина Иннокентьевна Заболоцкаяҕа, үлэ бэтэрээнэ Дарья Афанасьевна Аммосоваҕа, VIII кылаастар (сал. Матрена Михайловна Готовцева) үлэ, тыыл бэтэрээнэ Елена Петровна Поповаҕа, IX кылаас үөрэнээччилэрэ (сал. Туйаара Ильинична Заболоцкая) “Сэрии оҕолоро” бэтэрээнэ Николай Николаевич Атласовка, Х кылаастар (Роберт Афанасьевич Егоров) “Сэрии оҕолоро” бэтэрээнигэр Акулина Афанасьевна Старковаҕа, XI кылаас оҕолоро (сал. Айыына Валерьевна Яковлева) үлэ бэтэрээнэ Екатерина Афанасьевна Трифоноваҕа сэмэй бэлэхтэри туттардыбыт.
Күндү дьоммут оҕолор бэлэхтэрин тутан, үөрэн-көтөн махтаммыттара, алгыс тылларын эппиттэрэ. Эйэҕэс эбээлэрбитигэр, элэккэй эһээлэрбитигэр кытаанах доруобуйаны, дьоллоох олоҕу баҕарабыт.
Күннэй Оконешникова,
Н.О. Кривошапкин аатынан Өймөкөөн орто оскуолатын Х кылааһын үөрэнээччитэ.
keskil14.ru