—Дорооболоруҥ! IT-сменаҕа хайдах кэлбиккитин, дьарыккыт, бырайыаккыт туһунан баһаалыста сырдатыаххыт дуо?
-Дорообо! Мин Хакатон диэн элбэх бэрэстэбиитэллэрдээх программирование күрэҕэр бириистээх миэстэни ылбытым. Ол иһин, СӨ Наука аччыгый академиятын IT – смена тэрийээччилэртэн ыҥырыы туппутум.
Бэйэм идэбинэн разработчик этим. Ол эрээри, сайт, приложение оҥоруутун үлэтэ ыарахан буолан, дизайнер өрүтүн талбытым. Бастакы күннэргэ үлэбин ыарырҕата сылдьыбытым, тоҕо диэтэххэ, дизайнер сайт логотибын, прототибын уонна тас-ис көрүҥүн толкуйдуур.
Биһиги хаамандабыт «FIRE» диэн социальнай ситим приложениетын оҥоро сылдьар. Бу манна, Instagram, Youtube ситимнэргэ курдук, видео, хаартыска таһаарыахха сөп буолар. Үчүгэйэ диэн Россия иһинэн эрэ туттуллар, ол аата санкциялаан сабар кыахтара суох.
IT-смена лааҕыра оҕолор кэлэр кэмнэригэр кыах, сайдыы биэрэр. Манна хамаандаларга арахсан, дьиҥнээхтик улахан дьон курдук үлэлиибит уонна маннааҕы акселькоинт харчытынан хамнас ылабыт. Портфолиобар ситиһии эбинэн үөрэхпэр туһа буолуо дии саныыбын.
Уруйдаана, «Sight» хамаандатын кыттааччыта
Ыам ыйыгар МПИТ-2022 “Моя профессия – IT” күрэҕэр кыттыбыппыт. Күрэххэ уопсайа 5 тыһыынча кыттааччы баар этэ. Республиканскай, муниципальнай уонна финал сүһүөхтэрин ааһан үһүс миэстэни ылбыппыт, ол кэннэ СӨ Наука аччыгый академиятын сайыҥҥы лааҕырыгар кытта кэлин диэн ыҥырбыттара.
«BACKEND» хамаандабар разработчикпын, ол аата киһи хараҕынан көрбөт приложение логикатын суруйабын. Биһиги сервиспыт аата «Getlet». Кини көмөтүнэн ыраах сирдэргэ сылдьан наадыйбыт докумуоҥҥун тиксиһиннэрэн дьону булан биэрэр суолталаах буолар.
Бу тэрээһин оҕолору хайдах IT стартабын ыытарга уонна дьону болҕомтотун хайдах тардарга үөрэттэ. Мин олохпун IT хайысхатыгар сыаһыарар былааннаах буоламмын, манна кэлэн үөрэммитим олус суолталаах.
Никита, «БИМС» хамаанда кыттааччыта
-«СУНЦ» диэн үөрэнэр сирбитигэр «Сириус.Лето» суруйтарбытым, онтон хамаандаҕа киллэрбиттэрэ уонна араас күрэхтэргэ ыҥырар буолбуттара. Балаҕан ыйыгар бырайыак акселераторыгар кэлэ сылдьан төрдүс миэстэ буолбуппут, ол иһин өссө биирдэ ыҥырыллыбыппыт.
Бырайыагы кытта үлэлииргэ уонна көмүскүүргэ үөрүйэхпин. Хамаандабар маркетолог идэтинэн сылдьабын. Мин сүрүн эбээһинэһим — бырайыкпытын сайыннарыы уонна дьон сэҥээрэрин гына тарҕатааһын. Наһаа ыарырҕаппатым.
Сайтпыт аата «Axelpay». Акселератордарга аналлаах үп-хачыны хонтуруоллуур платформа буолар. Сүрүн соруга стартаптар харчыны сөпкө тутталларыгар оҥоһуллар сайт.
Маннык тэрээһиннэр оҕолору бырайыак оҥорорго опыт биэрэр уонна стартап сайдыытыгар дьоҕурдуур.
Богдан, «ЮНИК» хамаанда кыттааччыта,
Кэпсэттэ Илона Руфова, Үөһээ Бүлүү улууһун Дүллүкү орто оскуолатын 9 кылааһын үөрэнээччитэ, «Медиа-ракета «Кэскил»