Оҕолоор!
Сандал сааспыт чугаһаабытынан, сылаас салгын илгийбитинэн!
Быйылгы сыл биһиги Сахабыт сирин үрдүнэн Ийэ сылынан биллэриллэн турар. Онтон аны аҕыйах хонугунан сааскы маҥнайгы бырааһынньык — кэрэ аҥаардар күннэрэ буолар. Онон сиэттэрэн, эһигини, сааскы сырдык, саамай истиҥ аахсыйаҕа кыттаргытыгар ыҥырабыт.
Ол курдук олунньу 28 күнүттэн кулун тутар 12 күнүгэр диэри keskil14.ru биһиги саайпыт нөҥүө ийэлэргитин эҕэрдэлиир түгэн тосхойдо! Ийэҕит туһунан суруйан, эбэтэр хоһоон, ырыа айан истиҥ эҕэрдэ тыллары аныаххытын сөп — ол барыта эһиги бэйэҕит көҥүлгүтүнэн. Ол эрээри, суруккут эбэһээт ийэҕит хаартысхалаах буолара күүтүллэр.
Суруктаргытын keskilpress@mail.ru эбэтэр 89142659220 (ватсап) нүөмэргэ ыытаргытын күүтэбит.
Күндү киһигитин үөрдэргэ тиэтэйиҥ!