Саха Автономиятын төрүттэспит, бөдөҥ государственнай, политическай деятель, учуонай, экономист Исидор Никифорович Барахов гороскобун туһунан бэрт дьикти чахчылар бааллар.
Исидор диэн аат олох сэдэҕин ааһан оччотооҕу кэмҥэ төрүт да биллибэт аат эбит. Ону сүрэхтээбит аҕабыта, аҕата Микииппэр Ньалбаакаан уол оҕо турбатын туһунан истэн баран, ким да ааттамматах Исидор диэн аатынан сүрэхтээбит. Онон сахалыы абааһыттан куоттаран ааттаммыта эмиэ интириэһинэй. «Исида» диэн Египет таҥаратын аатынан гректии тылтан төрүттээх буолан тахсар. Нууччалыы Исидор дэнэр. Онтон Барахов диэн араспаанньаны, Исидор Иванов буола сылдьан, өрөбөлүссүөйүнэн кэлин биллибитин кэнниттэн ылынан турар. Ол дьадаҥы балыксыт идэлээх Бараах Уйбаана диэн эһэтин кэриэстээн кини хос аатынан араспаанньаламмыта.
Исидор Барахов олоҕун дьылҕата планеталартан сибээстээх гороскоба эмиэ дьиктилээх диэххэ сөп. Кини айылҕа оҕото буоларынан ситимнээн кини төрөөһүнүгэр күн систиэмэтэ улахан сабыдыаллааҕа көстөр. Ол курдук Исидор задиага — Водолей,планетата — Уран, ону тэҥэ ый сабыдыаллаах кэмигэр төрөөбүт. Сахалар гороскобтара үксүгэр Илиҥҥи дойдулар гороскоптарын кытта сөп түбэһэр. Ол курдук Исидор Барахов гороскоба илиҥҥиҥэ ордук чугасыһар. Илиҥҥи гороскоп Водолейыгар төрөөбүттэр генийдэр бэлиэлэрэ диэн дэлэҕэ этиэхтэрэ дуо?! Кинилэр кырдьык туһугар идеал, ыра оҥостон бэйэлэрин олохторун өрөбөлүссүйүөннүү олоххо аныыллар эбит. Исидор маннык олоххо олорон,ананан кэлбитэ толору дакаастанар. Кини планеталар сабыдыалларынан кинигэни таптаан ааҕар, дьарыктанар, билиигэ тардыһыыта күүстээх.
И.Н. Барахов Уран планета күнүгэр төрөөбүт буолан айылҕаттан кытаанах санаалаах, хараахтырдаах, ылыммыт, туруоруммут соругун булгуччу түмүктээн баран арахсар өрөбөлүссүйүөннүөр буолан тахсыбыта.
Гороскоба этэринэн уруһуйдьута, омук тылын (немец) толору кэпсэтэр гына баһылаабыта, тапталыгар бэриниилээҕэ.
Исидор Никифорович Барахов дьылҕата, олоҕо үөһэттэр планеталар анаабыт олохторунан кэлэн ааспыт эбит диэн санааҕа кэлэҕин.
Уйбаан Ороһуунускай «Биһиги Бараахаппыт» диэн кинигэттэн суруйда Нина Михайлова, Ороһу, Үөһээ Бүлүү.