Кулун тутар 2- 7 күннэригэр Дьокуускай куорат 38 нүөмэрдээх оскуолатын 10 «Б», 11 «Б» кылаас үөрэнээччилэрэ Иркутскай куоракка профориентационнай турга баран кэллилэр. Икки кылаастан холбоон 23 оҕо уонна кылаас салайааччылара Людмила Афанасьевна Портнягина, Айталина Ивановна Барашкова буолан сырыттылар.
Мин 10 «Б» кылаас салайааччытабын , кылааска 19 оҕолоохпун, 6 кыыс, 13 уол. Оҕолорум биир сылынан оскуоланы бүтэрэн, ЕГЭ туттаран , үөрэххэ киириэхтэрэ. Онон ханнык идэни талаллара, ханна үөрэнэ бараллара биир саамай тыҥааһыннаах боппуруос буолар. Үөрэх дьыла саҕаланыытыгар, төрөппүт мунньаҕар профориентационнай турга барыы туһунан эппиппэр, төрөппүттэр олус сэргээбиттэрэ.
Иркутскайга лицензиялаах 14 үрдүк үөрэх кыһата баар эбит, биһиги 4 университетка сырыттыбыт: Иркутскайдааҕы государственнай университетка, Иркутскайдааҕы политехническай университетка, Иркутскайдааҕы медицинскэй университетка уонна Иркутскайдааҕы государственный айан уонна сибээс университетыгар. Хас биирдии университетка тийдэхпитинэ үөрэ-көтө, олус эйэҕэстик көрсөллөр. Профориентация салаатын үлэһиттэрэ ханнык идэлэр баалларын, төһө востребованнайдарын, төһө хамнастаах буолалларын, үөрэххэ киирии бэрээдэгин оҕолорго өйдөнөр тылынан кэпсииллэр.
Россияҕа Иркутскайдааҕы медицинскэй университет 10 бастыҥнар ааттарыгар киирэр үөрэх кыһата, манна 90 араас медицинскэй идэни үөрэтэллэр эбит. Медицинскэй университет студеннары үөрэтэр кабинеттарыгар, аныгылыы аппараттары көрдүбүт. Оголор саҥа аппараттарга операция хайдах оҥоһулларын илэ харахтарынан көрдүлэр. Хирург быраас операция оҥороругар ылбыт билиитин хайдах туһанарын, ону таһынан илиитин эрчийэр тренажернай аппараттарга хайдах үлэлиирин көрөн, быраас идэтин талаары сылдьар оҕолорго олус туһалаах буолла.
Ирутскайдааҕы национальнай исследовательскай техническэй университет (ИРНИТУ) «Зеленый вуз России» 5 миэстэҕэ турар. Бу тугуй ? Ол аата айылҕаны харыстыыр, аныгылыы экологическай инфрастуктураны сайыннарар хайысханы тутуһар үөрэх кыһата. Бу университетка эдэр ыччат араас идэгэ үөрэнэр.
Үөрэнээччилэр үөрэххэ киирэллэригэр бэлэмнэнии курстара , «Арт -Политех», « Цифровая школа», «Робототехника» киин, ону таһынан элбэх профильнай кылаастар бааллар.
Оскуола оҕолоругар аналлаах профориентационнай проект баар: «Модель одного дня в вузе», «Инженерные каникулы», профориентационный проект «Билет в будущее», биир күннээх экскурсиялар,сайыҥҥы лааҕырга профориентационнай күннэр ыытыллаллар эбит. Бу «Модель одного дня в вузе» кыттыаххын баҕарар буоллаххына ,15 оҕону хомуйан, учуутал оскуола аатыттан заявка суруйан электроннай аадырыска ыытаҕын.
Үөрэнээччилэргэ сылын аайы олимпиадалар ыытыллаллар:
— межпредметная олимпиада «Политехник»
-химия, физика олимпиадата «Будущее Сибири»
-инженернай олимпиада «Звезда»
-национальнай технологическай олимпиада
-«АЛРОСА» олимпиадата
— ВОШ «13 элемент.AIхимия будущего» . Бу олимпиадаларга кыттыбыт оголор үөрэххэ киирэллэригэр эбии 10 баал ылаллар.
Иркутскайдааҕы государственнай университет (ИГУ) 11 факультеттаах: Биолого-почвеннай факультет, географическай факультет, геологическэй факультет, историческэй факультет, омуктарга аналлаах бэлэмнэнии факультета, бизнес уонна менеджмент факультета, бизнес-коммуникация уонна информатика факультета, психология факультета, физическэй факультет, химическэй факультет.
Иргупс ( Иркутский государственный университет путей сообщения). Бу аныгылыы тэриллибит улахан , үөрэхтээһин комплекстаах, үөрэтэр лабароторнай корпустаах, студеннар практика баралларыгар производственнай базалах, транспортнай университет, 6 факультеттаах: информационнай технология уонна моделирование института, факультет «Управления процессами перевозок», «Экономика уонна управление факультета», «Тимир суолу тутуу факультета», электротехническэй факультет, электромеханическэй факультет. Биһиги хаһан да көрбөтөх , тимир суол көлөлөрүн саппаас чаастарын, өрөмүөннүүр станоктары, тимир суолу хайдах оҥороллорун, ону таһынан студеннар 3Д принтергэ оҥорон таһаарарбыт саппаас чаастарын көрдүбүт.
Ону тэҥэ, биһиги Иркутскай куорат кэрэ-бэлиэ сирдэригэр сырыттыбыт.
Айталина Ивановна Барашкова 10 «Б»,кылаас салайааччыта,
Дьокуускай куорат 38 №-дээх оскуолата