Биһиги нэһилиэкпит былыр- былыргыттан уос номоҕо буолбут наахаралар төрдүлэрэ 1-кы Наахара нэһилиэгэ дэнэр. Хомпу, Тамма үрэхтэри таарыйан ааһар улуус биир кытыы нэһилиэгэ буолар. Билигин нэһилиэккэ 535 киһи олорор, онтон үөрэнээччитэ 62, пенсионера 132, ыччата 137. Тиэлиги олохтоохторо тыа хаһаайыстыбатынан дьарыктанан, ынах, сылгы ииттэллэр. Александр Алексеевич Пахомов аатынан орто оскуола, Степанида Ильинична Борисова аатынан норуот айымньытын дьиэтэ, «Ааҕымта» бибилэтиэкэ, фельдшерскай пуун, почта, дьиэ-уот хомунаалынай тэрилтэлэрэ үлэлииллэр.
Нэһилиэкпит баһылыга Иннокентий Кретович Исаков былырыын балаҕан ыйыттан талыллан үлэлиир. Биһиги кинини көрсөн сэһэргэстибит.
Иннокентий Кретович нэһилиэк баай историятын, киэн туттар биир дойдулаахтарбытын, билиҥҥи туругу билиһиннэрдэ. Сүрүн кыһалҕабыт диэн саҥа оскуола дьиэтин тутуута, дэриэбинэ чааһынай дьиэлэрин киин ититии ситимигэр холбооһун буоларын эттэ. Оскуолабыт оҕолоро нэһилиэкпит олоҕор көхтөөхтүк кыттан, Кыайыы, Ийэ скверин оҥоруутугар бырайыактаан көмүскүөхтэрин сөп. Нэһилиэк инникитэ оскуола оҕолоро, ыччаттар буолалларын бэлиэтээтэ.
Cиһилии видеоҕа көрүҥ.
Интервьюну ыллылар А.А. Пахомов аатынан Тиэлиги орто оскуолатын үөрэнээччилэрэ, «ХОМПУ» медиа киин кэрэспэдьиэннэрэ Лилия Гермагенова IX кылаас, Артур Петров, VIII кылаас,
Мэҥэ Хаҥалас.