11 сыл оскуолаҕа үөрэммит билиибин 4, 5 сыананан түмүктээтим. Биир кэлим экзаменнарбар математика уонна нуучча тылын туттаран ситии-хотуу аттестатын ылан наһаа үөрдүм. Салгыы уһуйаан иитээччитэ уонна алын кылаас учуутала үөрэҕэр туттарсыахпын баҕарабын.
Кылааһым оҕолоро бары аттестат ыллылар, бииргэ тутуспутунан абитуралыы барыахпыт. Биһиги кылаастан Васильева Анжелика үөрэҕин туйгуннук, үрүҥ көмүс мэтээлинэн бүтэрэн оскуола историятыгар киирдэ. Анжелика ураты кыһамньылаахтык үөрэнэн, элбэх дьарыгы үөрэҕэр ууран бу кыайыыны ситистэ. Мин кини ситиһиилэринэн киэн туттабын. Эһиил оскуолаларын бүтэрэр оҕолорго, эрдэттэн аттестаткыт сыаналарыгар үчүгэйдик үлэлэһиҥ диэн сүбэлиибин. Учууталларбытыгар уонна кылаас салайааччыбытыгар Айталина Ильинична Бурнашеваҕа, бастакы учууталбытыгар Наталия Алексеевна Слепцоваҕа, оскуолабыт директорыгар Валентина Герасимовна Павловаҕа, ЕГЭ ыытар ППЭ үлэһиттэригэр махталбытын тиэрдэбит. Күндү учууталларбыт сыралаах үлэлэринэн оскуоланы бүтэрэр быйылгы выпускниктар бары 100 % экзаменнарбытын этэҥҥэ туттардыбыт.
Саввинова Маша,
Арыылаах агрохайысхалаах орто оскуолатын выпускницата,
Дьааҥы улууһа.