Олоххо син биир иллэҥ кэм диэн баар. Мин ону хайдах атаарарбын туһунан кэпсиэм.
Хас күн аайы бэйэм интэриэһиргээммин омук тылын үөрэтэбин, корейскай тылы. Интернеттэн видео уруок булан, дьиҥнээхтик саҥарар дьону кытта кэпсэтэбин. Манна 1-2 чаас курдук бириэмэбин аныыбын.
Көмпүүтэргэ оонньуурбун сөбүлүүбүн. Иллэҥ кэммиттэн 1-2 чааһы «CS2» диэн шутер жанрдаах оонньууга аныыбын. Бэйэм кумааҕынан оҥоһук оҥорон оонньуубун. Бииргэ төрөөбүт балтыбын, бырааттарбын кытта остуол оонньууларын оонньуубун.
Иллэҥ кэммин бэйэм сайдыыбар анаан туһанабын.
Харысхан АНДРЕЕВ, VIII кылаас, Тааһаҕар, Бүлүү