Бүгүн, ахсынньы 21 күнүгэр, Сахабыт сирин араас улуустарыттан, оскуолаларыттан үрдүк ситиһиилээх, туйгун үөрэхтээх оҕолор талыллан кэлэммит , Ил Дархан Харыйатыгар сылдьар чиэскэ тигистибит. «Кэскил» оҕо бэчээтин кыһатын юнкордара Айсен Сергеевичтан интервью ыллыбыт. Мин киниттэн: «Оскуолаҕа бииргэ үөрэммит оҕолоргун кыттары кэпсэтэгит, сибээстэһэҕит дуо?»- диэн ыйытыы биэрдим. Онно кини:
«Биллэн турар, мин өрүү бииргэ үөрэммит оҕолорбун, табаарыстарбын кытары сибээстэһэбит. Хомойуох иһин, төһө да баҕарбытым иһин, элбэхтэ көрсүбэппин. Биһиги кылаас олус иллээхпит, бу соторутааҕыта үөрэммит оскуолам үбүлүөйэ буолла онно доҕотторум көрсүстүлэр, мин ол кэмҥэ Москваҕа сылдьыбытым. Доҕотторум — мин саамай чугас дьоммуттан биирдэстэрэ буолаллар» — диэн хоруйдаата. Түгэнинэн туһанан Айсен Сергеевичка бүгүҥҥү харыйа кыттыылаахтарын ааттарыттан барҕа махталбын тиэрдэбин!
Алена МАКСИМОВА, XI кылаас, Бордон орто оскуолата, Сунтаар