Мин, Сайаан Павлов, бу сылга Үөһээ Бүлүү улууһугар «Үөһээ Бүлүү» хаһыатыгар «Айсен Николаев үлэтин сүрүн түгэннэрэ» нэдиэлэҕэ биирдэ тахсар балаһаны ааҕан баран оҕолорго билиһиннэрэргэ сананным.
Тохсунньу 1 күнэ. Үүммүт сылга оҕоломмуттар 100 000 хапытаалы ылыахтара. Ил Дархан Айсен Николаев Ийэ сылыгар олохтообут «Үйэ оҕолоро» тус сыаллаах хапытаалы өссө биэс сылга уһаппыт.
Тохсунньу 2 күнэ. Айсен Сергеевич тимир ууһа, норуот маастара, Саха сирин Духуобунаһын академиятын академига Борис Фёдорович Неустроевы-Мандар Ууһу кытта көрсөн, Таатта улууһун Баайаҕатыгар баар «Мандар Уус» музей комплексын туһунан кэпсэппиттэр. Ил Дархан үөрэтэр, научнай-чинчийэр, туристическай суолталаах «Мандар Уус» этнологическай комплексы кэҥэтиигэ болҕомто ууруллуохтааҕын ыйбыт, өйүүрүн биллэрбит.
Тохсунньу 7 күнэ. РФ Бэрэсидьиэнэ В.В. Путин сорудаҕынан, дойдуга социальнай гаастааһын үлэтэ көхтөөхтүк саҕаланан, үгүс ыал гааска холбоммут. Кыра дохуоттаах уонна байыаннай сулууспалаахтар дьиэ кэргэттэригэр 150 000 солк. гаас оборудованиятыгар уонна гаас киллэттэрэллэригэр көмө бэриллибит.
Саҥа дьылга үктэниэх иннинэ, «Саха» НКИХ «Ил Дарханныын кэпсэтии» сыл түмүктэрин таһаарбытыттан кылгатан суруйуом.
2022 с. — 100 социальнай эбийиэккэ былаан ылыллыбыта, аһара баран 124 эбийиэк үлэҕэ киирбит.
- Өлүөнэ муостатын тутууга, сөмөлүөтүнэн көтүүгэ чэпчэтиигэ дөкүмүөн ылыныллыбыт.
- Анал байыаннай эппэрээсийэҕэ «Саха сирэ эйигинниин» хамсааһыҥҥа түмсэн, буойуттарга көмө оҥоһуллубут. Дьиэ кэргэттэригэр ахсаабат көмө оҥоһулла турар.
- Эрэгийиэннээҕи валовай бородууксуйа кэнники биэс сылга икки төгүл улааппыт.
- Бырамыысыланнас үүнүүтэ 2022 сыл 11 ыйыгар 112,2 % тэҥнэспит.
- 2023 сылы Үлэ сылынан биллэриллибитин Айсен Сергеевич бу курдук быһаарбыт: «…Саха сирин хас биирдии олохтооҕо тустаах үлэтин эппиэтинэстээхтик, эҥкилэ суох толорорго дьулуһуохтаах. Оҕолор, устудьуоннар үөрэхтэригэр кыһамньылаахтык билиини-көрүүнү баһылыахтаахтар. Хас биирдии киһи санаата сытар үлэлиир миэстэлээх буолуохтаах».
- «Сыл устата Социалистическай Үлэ, Арассыыйа Үлэҕэ Дьоруойдарыгар, бастыҥ үлэһиттэргэ анаммыт тэрээһиннэр ыытыллыахтара. Саха сирин үрдүнэн бастыҥ 50 бастыҥ үлэһиккэ 300-түү тыһ. солк. бириэмийэни туттарыахтара, түмүгэ ыам ыйын 1 күнүгэр биллиэҕэ», — диэн Ил Дархан быһаарбыт.
Мин тус бэйэм өрөспүүбүлүкэбэр туһалаах киһи буола үүнэргэ дьулуһабын.
Сайаан Павлов, Ороһу орто оскуолата, «Тымтык» эдкорпост.